Шинэ Жилийн Мэнд!

Дуучин болвоо...

Миний хувьд дуучин биш, сайн дуулдаггүй ч гэсэн дуулах дуртай. Их сургуульд байхдаа найз охинтойгоо мөн ч их караокэ ордог байж билээ. Бид 2 сүүлдээ бүүр "архичин" шиг хүнээс мөнгө зээлэн зээлэн караокэ орж өдөр бүр дуулдаг "караокэчин" болчихсон, сайхан дурсамж. Сүүлийн хэдэн жилд бол хааяа нэг ажлынхан болон найзуудаараа караокэ ордог, мэдээж олуулаа юм хойно ганцаараа дуулаад байж болдоггүй. Тэгээд л 1-2 дуу л дуулдаг. Хоолойны бэлтгэл ажил хийгдээгүй болхоор мэдээж гарахгүй хөгийн юм дуулна хэ хэ хэ.
Харин сая шинэ жилийн бэлтгэл ажил гээд манай ажлынхан попури гээч юмыг нь бичүүлэв. Анхны удаа студид бичлэг хийлгүүлсэн болхоор хоолой чичрээд, их хачин байсан шүү. Харин одоо зориг ороод, 2-3 дуу үнэ багатай студид бичүүлэх саналыг ажлын сайн дурын уран сайханчиддаа тавиад дэмжлэг авчихаад сууж байна. Тэгхээр бид хэд нийлж байгаад дотоодын буюу хувийн хэрэгцээнд, өөрсдөө л сонсох нэг дууны CD-тэй тун удахгүй болох байх гэж найднам. Бас л сайхан дурсамж үлдэх байхдаа. Хөгширсөн хойноо хуучирсан CD тоглуулагчаа асааж аваад л, CD-гээ тавиад ач зээ нартаа "За энэ эмээ нь дуулж байгаам... Хүний залуу нас аа гэж...сайхаааааан" гэж ирээд л дурсах байхдаа хэ хэ хэ.

Харин та бүхнээс хүсэх зүйл бол Англи, Монгол хэл дэр нээг их хоолой шаардаад байдаггүй гоё дууны нэр, санаануудыг хэлж өгөөч, плийз? Баярлалаа!

Хайр нь яачихваа

Хүлээгээд байхад ирдэггүй удаад, хүн хүлээлгээд байдаг яасан үнэтэй хайр вэ? Хувь хүнээс нь шалтгаалж алаг үзээд байна уу гүй юу, хайр гуай, айн? хэ хэ хэ. Хайр, чи өөрөө муухай. Өөрийгөө надаас, бас тэрнээс харамлаад бид хоёрыг учруулахгүй юм. Тэр ч бас л хайр чамайг зүхээд надтай учрах гээд яаран, тэсэн ядан суугаа даа. Гэтэл чи зөрүүд зан гаргаад хувиаа хичээгээд зүгээр л суугаад байх юм. Бид хоёрыг учруулчихаад дараа нь амралдаа. Хайр чи бүхний эхлэл мөртөлөө бас бүхний төгсгөл байж чаддаг агуу чадалтай ч гэлээ өөрийгөө ингэж тоож, хамраа сөхөж болохгүй шүү дээ. Өөрийгээ чи харамгүй тараа л даа. Чамаар дутсан хүмүүс энэ хорвоогоор дүүрэн, чамайг Өвлийн өвгөн аав, Шинэ Жилээс илүүгээр хүсэн хүлээж, жоохон хүүхдүүд шиг л мөрөөдөж сууна. Одоо яг Шинэ Жил болж байхад сүр хүчээ үзүүлээд, гайхамшиг байдаг гэдгийг баталж өгөөч Хайр гуай :) Тэгсэн цагт таньд мөргье, сүр хүчинд чинь бишрэе. Будрах хаялах цастай цуг ирээрэй. Жавар хургасан өдрүүдийн уртад зүрх сэтгэлийг минь дулаацуулах л гэж чи ирээрэй, чамайг урья!

Ажил гэж алмас, би гэж ягчис

Яааа, блог гээч юмаа тоохоо болиод их удаж байх шиг байнаа хэ хэ. Гомдож байгаа даа. Ажил гэж aймар, би гэж завгүй хүүхэн болж байнаа. Ажил солигдоод, эвгүйтээд явчих чинь кэ кэ кэ, гэхдээ муу зүгрүү биш ээ. Ирээдүйдээ бүр сайн болно ш дээ. Зүгээр л өөртөө болон үр хүүхэддээ нэг хэсэгтээ цаг зав гаргаж чадахгүйдээ л санаа зовох юм. За яахав, сингл мом-ийн зовлон юм уу даа. Ингэд амьдралын бор хоногууд хажуугаар элсэн манхан адил аажуухан урсан өнгөрөөд, би гэж хүн жилээр биш сараар ч хөгшрөөд байгаа юм уу, залуужаад байгаа юм уу, мэдкүээ кэкэ. Ямар ч л байсан оргил өөд тэмүүлсэн хэвээр шүү. Гол нь оргил дээр гарсан чинь 40 гарчихсан орь ганцаар зогсож байх вий гэхээс л айдас нөмрөх юм. Тэр үед хүүхэд айгүй л бол тусдаа гарчихна, би одоо тэгээд хөгшин аав ээжийгээ хараад үлдэх юм уу хаашаа юм бэ, шал дургуй хүрчлээ кэ кэ. Ер нь одооноос Б планаа бодож, төлөвлөж байнаа. Тусдаа өөртөө нууцаар мөнгө хадгалаад аялал хийж, Дисней ланд орж өөрийгөө зугаацуулдаг юм уу хаашаа ч юм. Хүний амьдрал ч гэж нээрээ хурдан юмаа. За за, "эмээ зан" гаргахаа больё. Гоё охин зан гаргахаас ха ха ха. Чийрс ёо! (Cheers yo!)

Май гоод... бас ийм юм байх гэж

Үүнийг хараад ёстой л май гоод гэж дуу алдав ш дээ. Эмчилгээний зориулалттай аппарат шүршүүр авч зориулалтыг нь сайн уншаад ч, яах гэж ийм сүртэй, үнэтэй аппарат (8,000 ам.доллар) бүтээснийг ойлгосонгүй. Усаа хамах, цэвэрлэх гээд 100-н ажил өөртөө нэмэх юм. Хүн төрөлхтний өөрийн хөдөлмөрөө хөнгөвчилөх гэж бүтээсэн зарим бүтээлүүдийн талаар өөрийн эрхгүй бодлоо.
Хөдөлмөрөө хөнгөвчилж байна гээд улам залхуу, тэнэг болсон хүмүүн төрөлхтөн нөгөө "Терминатор" кинон дээр гардаг шиг компьютер, сайбер оюун ухаанд дарлуулах цаг удахгүй ирэхвий ч гэж дэмий балай юм бодож суух юм.
Тооны машин бүтээгдэж нийтийн хэрэглээ болсоноос хойш тооны хүрдээ цээжилдэг хүн ховордсон гэхэд хилсдэхгүй. Би ч гэсэн цаг тухайн үедээ хүрд үхтэлээ л цээжилсэн, одоо санаж байгаа нь тун бага болжээ. Юм л бол тооны машин, компьютерээ ашиглах гэх юм. Миний цээжилдэг тархины хэсэг бол бүүр унтарсан. Хүний нэр, утас цээжлэх ч шаардлага алга доо, гар утасны мемори гэж гоё юм байхад. Эгчийг нь жоохон байхад (кэ кэ ) шүлэг, томьёо гээд л цээжилж, дүн авдаг, мартаж болохгүй зүйлс их байлаа гэж. Харин одоо ч интернет, утас, бяцхан тархи гээл зөндөө гоё туслагчтай, цээжилэх хэрэг ч алга дөө. За тэгээд цааш нь ярьвал, автомат аяга угаагч гэж нэгэн хөдөлмөр хөнгөлөгч байнаа. Цуглуулж байгаад л нийтэд нь нэг сайхан угаагаад, уул нь дажгүй, гэхдээ нөгөө хүн нь юу хийх үү? Бодвол ТВ-гээ л хараад суух байх даа тэ :) Том том гадаад хэлний толь бичгүүдийг одоо харахлээр уур ч хүрэх шиг. Үүнийг нэг софт болгоод үгээ бичингүүт нь орчуулга, утгыг нь найдвартай олоод өгчихдөг програм зохиочихгүй юм байхдаа гэж харааж суух үед, урьд нь яаж болоод байдаг байснаа мартсан байлаа гэж.
Хөдөлмөр хөнгөвчилхөөр бүтээгдсэн гэхдээ нэг их сүртэй ашиг өгдөггүй, дээрхи зурган дээрхи шүршүүр шиг юмыг бүтээж мөнгө, цаг заваа үрж, оюун ухаанаа чилээх ч гэж дээ. Хүмүүн төрөлхтөн болон би хаашаа явж байгаа юм болдоо? Хэдэн сарын дараа ингэж бичсэнээ айгүй л бол санахгүй дээ, харж байгаарай кэ кэ :)

Дэлгэрэнгүй...

Би саяхан нэг Монголын "болоошдээ" жагсаалт ухааны юм бичээд байсан даа. Түүнд орсон нэг зүйл нь Монгол улс өөрсдөө троллейбус угсарж, үйлчилгээнд гаргасан явдал гэж ирээд л бичсэн. Харин тодорхой мэдээлэл тавиагүй. Гэтэл энэ блогт тун дэлгэрэнгүй бичсэн байна.

Та бүхэн орж үзээрэй! Монгол уран гартнууддаа туслаад, УБ хотдоо ч гэсэн нэмэр болчих юмсан.

http://sanakae.blogspot.com/2008/07/blog-post_24.html

Баярлалаа!

Дуутай хууртай амралтын өдрүүд

Нилээд хэд хоног муу блог-оо эзэнгүй айл шиг орхичихсон байна, ажил гэж атгаалжин хар мангас шиг юм намайг дээрэлхээд байсан юм чинь. Хэ хэ хэ.
Өнгөрсөн амралтын өдрүүдээр манай байгууллагын урлагийн үзлэг явагдав. Арван жилээс хойш ингэж урлагийн үзлэг гэж гүйж, хөөрж яваагүй мань мэтэд тун сонин содон байлаа. Найман компанийн 8 баг оролцсон тэмцээн нилээд өрсөлдөөнтэй явагдаж хэн ч тааварлаж байгаагүй баг түрүүлж сайхан болж өнгөрөв. Манайхны хувьд гэвэл найрал дуу, гоцлол дуу гэсэн төрлөөр өрсөлдөж шагналт байр аваагүй хэдий ч, сэтгэлэн хангалуун байсан. Иймэрхүү спорт, урлагийн тэмцээн нь шагнал, мөнгөнөөс илүүтэйгээр хамт олны уур амьсгал, багаараа ажиллах чадварыг дээшлүүлэх, эрч хүч өгөхдөө нөлөө бүхий тул манай хамт олон баяртай байгаа гэдэг эргэлзэхгүй байнам. Хүн бүр дуучин байх албагүй ч гэлээ, манай компаний хүн бүр сэтгэлээсээ хичээж, орой бүр дуугаа давтаж оройтож байсан ч гоё байсан. Миний хувьд гэвэл 10-н жилдээ урлагийн үзлэг, тэмцээн гэж нилээдгүй идэвхтэй гүйдэг байсан үе минь санагдаж бас нэгэн дурсамж сэргээсэн юм. Хар бараан нийгэм, саарал өдрүүдийн өнгө, уйтгарыг сарниаж нэг ч гэсэн өдөр инээд хөөртэй, сайхан өнгөрүүллээ. За ингээд 11 сар гарж, нөгөө Шинэ Жилийнх нь бэлтгэл эхлэнэ дээ гэж :)

Хотны ноход хуцаж л байдаг...

...Жингийн цуваа явж л байдаг.. гэдэг байхаа. За тэгвэл одоо энэ ЗГ, парламент гээч юманд нь суугаа хэд нь яг ингэж байх юмаа. Би нэг их улс төржөөд байдаггүй. Тэр ЗГ, нам улс төр нь боовоо иднэ үү, луувангаа зууна уу, падлий алга гэдэг хүн энэ удаад үнэхээр гайхашраад, үгээ хэлэхгүй бол болохгүй санагдаад, ядарсан муу блогоо ноолж сууна. Гадаа өвлийн хүйтэн шуурга шуурж байхад, гэрт мөн сайхан дулаахан байна ухааний юм бодоод тайван сууж байгаа хэдэн гүзээтэй нөхдүүдийг яах вэ та минь ээ? Тэмээ, ямаа гэх мэтийн тулга тойрсон хэрүүл хийгээд л байдаг, гэтэл цаана чинь 100 жилд болж байгаaгүй эдийн засгийн уналт болж байна гээд л сүйд болоод, хүн бүр дорноо хөдөлж, бодол болж, уйлах нэг нь уйлж, баярлах нэг нь баярлаж, бүх улс орон хөдөлгөөнд орсон байхад манайх ёстой нөгөө "Үхэр Монгол" гэдгээ батлах гэсэн шиг "өө тэр энд иртэл өдий байна," "нөгөө ДОХ гээчийг нь дээдсүүд нь хуваагаад мань мэтэд хүрэхгүй биз дээ" гэж суудаг шигээ байж байх ч гэж дээ.

Sunday Morning гэж дуу байдаг даа

За ингээд дахин нэг Ням гараг болж байна. Бусдаас ялгаатай нь гэвэл өнөөдөр орон нутгийн сонгууль явагдаж байгаа. Сонгуулиа өгсөн үү хүмүүс ээ? Хэ хэ. Би бол өгөөгүй, өгдөггүй. Санал өгөхийн утагыг хархаа больсон хүн. Өнгөрсөн УИХ-ын сонгуульд санал өгөөгүй минь зөв болсон. Бөөн зодоон алаан болоод эцсийн үр дүн нь яг л хэвэндээ, ялгаагүй байсан шүү дээ. Зургаан хүний амь зүгээр л салхинд хийссэн. Хүний амиар улс төр хийдэг зэрлэг авирлал Монголд нүүрлэсэн. Ийм муухай хүмүүст санал өгөөд яах ч билээ. Дуучид, 24, 25-тай "пацаанууд" улс төрд ороод одоо яахийм бэ? Дуугаа дуулж, мөнгө иддэг машин болох бэлтгэлээ хийж юм уу?

Гадаа сайхан байхад муухай юм ярихаа больё. Байшингийн гадаа тоглох хүүхдүүдийг хараад суухан их хөөрхөн, эгдүүтэй, өрөдмөөр гээд янз бүрийн зураг харж болох юм. Жоохон хүүхэд хархад өхөөрдөм, бүр хүүхэдтэй болмоор санагдаж байгаам чинь. Тэгсэн хэрнээ хүүхэд овоо болгоход яаж зовдог билээ гэхээр бас л зүрхлэхгүй хэ хэ. Манай хүүхэд гадаа тоглож байгаа нь: ганцаараа сайхан инээгээл гүйгээд л, энд тэнд очоод ганцаараа л тоглоод. Айлын ганц болхоор хүүхдүүдтэй нийлж тоглоно гэсэн юм байхгүй. Өрөдөх юм.

Бидний үед чинь гадаа гараад, яаж ийж танилцаж байгаад л нийлээд тоглочихдогсон. Одоо ч "эрзээн, чиртаа" тоглодог хүүхэд ч алга болж дээ. Бүгд гэртээ PC тоглоом тоглоод, эсвэл ном уншаад нүдний шилтний хүрээг тэлж суух юм. Гадаа гарж тоглоё ч гэсэн дээ, нас насныханд тохирсон тоглоом байдаггүй. Байгаа хэд нь нэг бол 0-5 насныханд зориулсан тоглоом (гэхэд хэцүү хэдэн төмөр, удсан цэвэрлээгүй элс гэх мэт) эсвэл 14-15 насныханд зориулсан сагсны талбай 1 ш, за ингээд л байрнуудын дунд орших бяцхан талбай болоо.

За ингээд сайхан юм бичих гэж эхлээд л муухай бодлоор дуусгаад байх юм, сов сорри шүү :)

Дарангуйлагч

Энэ бол хэн нэгэн төрийн албан тушаалтан, дарга, босс биш, жирийн нэг залуу. Магнай гэх энэ залуу урьд нь амьдрал зохиож явсан нэгэн. Хөөрхөн хоёр охинтой эцэг хүн. Өөрийгөө сайн эцэг, сайхан залуу, бусдаас онцгой гэж боддог.
Дарангуйлагч гэсэн нэрэндээ жулдсан ч байж болох авч Тунгаагийн хувьд дарангуйлагч болж хувирсан аж. Өдөр шөнөгүй залгана, уулзья гэх мэтээр яршиг болсоор хэд хонолоо. Танилцсан түүх гэвэл их амархан. Найз бүсгүй нь түүнд танилцуулсан, ингээд л түүх эхэлсэн. Магнай хэмээх энэ залуу Тунгаад эхэндээ таалагдасан ч гэлээ, дурлаагүй. Шулуухан, шудрага гэмээр зан төлөв нь таалагдаж татагдсан аж. Гэвч өдөр хоног өнгөрөх тусам Магнайгийн жинхэнэ нүүр төрх нь илэрж, Тунгаагийн дургүй нь хүрж эхэлжээ.
Тэрээр Тунгаад байнга л юм заана, - Чи юу мэддэг юм, юу ч мэдэхгүй байж, гэх зэргээр дарамтлана. Тунгаагийн хувьд нас тогтож амьдралд төдийлэн их суралцаж амжаагүй ч гэлээ ингэж хэлүүлэхээс дургүй нь хүрнэ. “Өөрөө хэн болоод юу үзчихээд ингэж надад дээрэлхүү хандаж байнаа” гэхээс уур нь хүрж үзэн ядах сэтгэл нь улам тодорсоор. Харамсалтай нь Магнай Тунгаад татагдаж байгаа хэрнээ ийнхүү муухай аашлаж байгаагаа үл ойлгоно. Өөртөө хэт итгэсэн, бусадыг үл ойшоосон зан нь өөрт нь туслах биш, лай болж байгаагаа үл анзааран Тунгааг эргүүлдсээр. Нэг л өдөр Тунгаагийн тэвчээр барагдаж, түүнээс хол байх хүсэлтээ тэрэнд хэлж орхижээ.
Магнайгийн хувьд урьд нь иймэрхүү татгалзсан хариу авж үзээгүй. Сууж байсан эхнэр нь ч ингэж түүнийг үл тоомсорлож байсангүй. Магнайгийн цээжинд уур омог шатаж, “Больвол тэр л биз, би энэ хүүхнийг гуйна гэж юу байхав ” хэмээн бодож Тунгаагийн хэлсэнийг тоосонгүй. Тунгаа харьцаагаа таслаад хэд хоножээ. Үнэхээр таслачихна гэж санагүй явсан Магнайгийн хувьд том цохилт болжээ. Огт уулзахгүй, залгах ч үгүй байгаа Тунгаад гомдох ч шиг, уур ч хүрэх шиг. Хэд хоног тэвчиж, тэгээд яалт ч үгүй өөрөө залгажээ. Харин Тунгаа утсаа авсангүй. Тэр өдөр ч, дараа дараагийн хэд хоногт утас нь нэг бол салгасан, эсвэл дуудсан авч хариулахгүй байж.
Гайхаж цөхрөлөө барсан Магнайд нэгэн мэргэн санаа төрөв. Гуйгаад болохгүй бол гуядаад гэдэг шиг, Тунгаагийн өөрт нь “сайн найзууд хэвээрээ үлдэж болох юм” гэсэн нь санаанд нь буулаа. Ингээд мессэж бичиж, “Найз нь чиний хэлсэнийг сайн ойлгож байна. Би бодож байгаад охидууд дээрээ буцаж очихоор шийдлээ. Харин хоёулаа сайхан найзууд явья” гэж Тунгааруу явуулжээ. Хариу байдаггүй. Хэд хонолоо.
Магнай хааяа нэг Тунгааруу залгана, харин хариу үл ирнэ. Ингэж байтал Тунгаа нэг л өдөр утсаа авдаг юм байна. Магнай баярлаад, “Хайзууд байя, хааяа нэг ярьж, уулзаж байя л даа” гэх мэт баахан юм ярьчихав. Гэтэл Тунгаа түүнд үл ойшоосон хэвээр хандсаар л, “Үгүй ээ, чамтай ярих юм алга. Уулзах ч хэрэггүй” гэж хариулжээ. Үүгээр Магнай бууж өгсөнгүй. Нөгөө л дээрэнгүй аашаараа “Чи хүнийг таниагүй байж ингэж битгий дугаарлаж харьц. Чи юу ч мэдэхгүй байна. Чи юун сүртэй юм” гэх мэтээр Тунгааг дарамтласаар. Ингэж дарамталсаар тэрээр Тунгааг өөрийн болгон гэж авна гэж бодож байгаа юм байх даа?

Хөгжмийн ертөнц ба Монгол од

Хүүхэд залуучууд хөгжим гэдэг аугаа зүйлийг амтархан, шимтэн сонсож, тэрнээс бодол, ухаарал, үлгэр дууриалал авж байдаг гэхэд хэлсдэхгүй биз ээ. Хүн бүрийн мэдэж байгаагаар АНУ, Европ зэрэг улс гүрнүүд буюу "баруун" гээч нь энэ салбартаа ямагт тэргүүлж явдаг ба хөгжмийн шинэ хэлбэр, донж маягийг үүсгэн хөгжүүлж байдаг. Мэдээж Монгол залуучууд маань юу гэж дутахав, дууриана, хөгжүүлнэ, дэлхийн хөгжилтэй хөл нийлүүлэн алхана. Дууриаж, хуулбарлаж болно, гэхдээ сайн сайханыг нь бус муу муухайг нь ихэнхдээ Монголынхоо ирээдүй болсон залуусдаа хүргээд байгаад нь сэтгэл зовнин үүнийг мутарлан сууна.

Эмэгтэй дуучид хамтлагууд нь шалиг завхай байдалыг, эрчүүд нь гормон ууж, цаг завгүй "төмөр өргөж" байж босгодог хэвийн бус булчинлаг бие хааг рекламдаж байгаа аятай. Мэдээж сайхан бие гоо үзэсгэлэнг үнэлэлгүй яахав. Гэхдээ энэ нь хүн бүрт заягаад байдаггүй. Бурхан бүх зүйлийг нь тэгш заяасан хүн гэж тун ховор болов уу. Секси дүр төрхийг авьяас уран бүтээлээсээ дээгүүр тавих, косметик мэс засалыг, хүдэр чийрэг бие хааг хиймлээр бий болгох нь хэвийн үзэгдэл болгоход тэд нар уриалан дуудаад байна уу даа.

Царайлаг нэгэнд нь авьяас дутуу гэх. За ингээд та бүхэн өөрсдөө одоо байгаа Монгол "од"-уудыг үнэлнэ биз дээ.

Том жижиг гэлтгүй хамаг юмаа дэлгэж суухад, зарим нь архи тамхи рекламдаж зогсох юм.

Нохойгоо дээдэлдэг Монголчууд

Хотны байтугай золбин нохойг өрөвдөж хайрлаж, хооллодог ардын маань уламжлал алга болж. Хүн бурхан болход буяныг дэлгэрүүлнэ хэмээн хүүхэд нохойг сайн хооллоо гэдэг билээ. Ер нь миний мэдэхийн буддын шашинд нохойг хүн төрөлтөй хамгийн ойр гэж их хүндэлдэг. Нохой хойд насандаа хүн болж төрдөг гэж Монголчууд үздэг, тиймдээ ч Солонгос, Хятадууд шиг нохойгоо гаргаж идээд байдаггүй.

Гэтэл сүүлийн үед зам дээр дайруулсан нохой элбэг болжээ. Энэ зунжингаа зуслан явдаг зам дээр хэдэн ч нохой ум маани болсоныг харавдаа. Өнөөдөр өглөө л гэхэд нэг том шар нохой Баянгол ЗБ-ын урьдах зам дээр дайруулаад үхсэн байх юм. Машинууд тойрж өнгөрөөд л. Миний нүд хальтраад харж ч чадсангүй. Айсан, балмагдсан. Мэддэг бүх мааниа уншаад л гарсан. Ум маани бад ми хум! Харин дайрсан хөгийн новш нь хараал тусаж үхэх байх даа. Санаандгүй дайрсан ч бай, ядаж замын хажууд гаргад тавьчихаж болно шүү дээ. Бүр сайхан сэтгэлтэй, буруугаа мэдэрж байгаа бол нэг газар булаад оршуулчихаж болно шүү дээ. Тэр чигээрээ зугтаагаад явчихсан байгаам даа. Маааниий мааааниий...

Үүгээр хэн нэгнийг буруутгах гэсэнгүй ээ, өдөр тутам болж байгаа үйлдлийг л тэмдэглэсэн билээ.

Ц.Хулан : Гунигаа тайлтал нэг үнсэлдэхсэн

Хүнийх болоод явчих нь бас л амархан байна даа
Энэ сарны дор яг л энэ газраа
Эргээд уулзах нь худлаа л байх даа
Бурхадын уран зураг мэт гоё цагаан үүл
Бусдын нутагт очоод бороо болоод асгана даа
Элсэн дээр тогтсон хос мөрний хонхорхойд
Эндхийн бороо орж дусаал тогтооно доо

Хэд гурван гүрвэл үүгээр гүйлдэж
Хээрийн соньхон худагнаас цангаа тайлна даа
Хармагийн бутны жимс ганц нэгээр унахдаа
Хайртай чиний минь цамцан дээр улаан толбоор үлдэнэ дээ

Одлог тэнгэрийн дор нойргүй хонож
Онцгой долоон бурханыг үдшийн үдэш зүсэлж
Үүр цайхыг үзэн бороонд норж явсан чинь
Үлгэр шиг санагдах цаг тийм ч холгүй байна даа...

Амраг минь
Алсаас чамдаа хундага өргөе
Хуучин уулздаг цэцэрлэгтээ ирье
Хуурай газрыг нортол уйлъя
Хулан гэдэг цэцэг эндээс лав ургана
Тэр цэцгийг чи минь тасдаж аваад
Энгэртээ зүүж гэртээ хариарай
Эхнэр чинь асуувал битгий хэлээрэй
Элгэндээ чимээгүй тэвэрч
Цэцгийн зулай дээр үнсээрэй...

Гуйж мөргөөд ч болов бурхан танаас хүсье
Гунигаа тайлтал нэг үнсэлдэхсэн
Гудамжинд өдрөөр эсвэл шөнө дөлөөр...
Гудайх оддын дор өвс ногоон дээр...
Хоёулханаа орон дотроо...
Хотол үймсэн европын гудамжнаа
Хонгор найз элбэгтэй Парижийн буудалд
Алтан говийн элсэн дээр
Америкийн шигүү хороололд...
Дэлхийн хаана ч гэсэн
Дээр доороо орон үнсэлдэж л буй
Лал, Христос, Буддын уншлага дор
Ламбада бүжгийн янаг аялгуун дор
Шалба норсон борооны бүлээн цутгалан дор
Шаахай болоод даашинзгүй, уруулын будаггүй
Үнсэлдэхсэн ...

Олдошгүй үхэшгүй хайртай амрагаа
Ороонго мод адил тэврээд
Родены баримал мэт хоёулаа
Мөнхийн мөнхөд үлдэхсэн

Орой бүр хийдэг ажил

Орой бүр хийдэг ажил гэхээр юу санагдаж байна? Хэ хэ. Биш биш, секс биш за :) За миний хувьд л лав биш. Би орой болгон хүүхдээ өвөртлөөд тас үсэрдэг. Орой найзуудтайгаа өдрийнхээ сонин сайханг мессежээр бичиж байгаад л тасардаг даа. Уйтгартай байгаа биз? Гэхдээ өөр аргагүйдээ ч юм уу, эсвэл хийх юмгүйдээ тэгдэг болов уу. Хүүхэд хэдий том ч гэлээ, гэрийхэнтэйгээ амьдардаг ч гэлээ, хүүхэд харах хүн олддоггүй гэж хэлхэд болно. Ийм байж яаж ч найз залуутай болхов дээ гэж хүмүүс надаа хэлдэг юм. Найз залуудаа зав гаргаж, цуг байж чадахгүйгээс хойш... Гунигтай юм... Уйллаа... Хүүхэд хардаг хүн авж үзсэн, гэрийхэн үглээ, ажилгүй дэмий байна гэж дарамтлаад. Хурдан тусдаа гарах юмсан. За гүүд найт! :)

Мөрдөгч Нильсон

Амралтын өдрийн оройхон Гарнерийн хаалгыг хүн тогшив. Гарнер хаалгаа онгойлгож өгвөл, өөрийгөө:
-Мужийн мөрдөх товчооны байцаагч Нильсон,
хэмээн танилцуулсан хүн орж ирээд:
-Мистер Гарнер, танд харамсалтай мэдээ дуулгая, таны эхнэрийн дүү хүний гарт амь үрэгджээ. Түүнийг хэн нэг нь санаатайгаар алсан байна.
-Ээ бурхан минь…
Энэ яриаг сонссон хатагтай Гарнер ч сэтгэлийн маш их цочролд орж эмнэлэг, түргэн болов. Мөрдөн байцаагч:
-За та хоёр маргааш над дээр очоорой, асууж тодруулах зүйлүүд байна.
Өглөө эхнэр нөхөр хоёр ирэв. Мөрдөн байцаагч:
-Та нарт сэжиглэж байгаа хүн байна уу? Мистер Гарнер:
-Манай эгчийн нөхөр гэж нэг айхтар муухай ааштай хүн байдаг юм. Тэр талийгчид их муу ханддаг байсан юм…
Хатагтай Гарнер:
-Манай бас нэг Поль гэдэг дүү байдаг юм. Тэд хаяа муудаж л байдаг гом, гэхдээ арай ч … Гарнер:
-Манай бас нэг хамаатны Лоренс гэдэг ах бий. Тэрнээс талийгч хэдэн төгрөг зээлсэн юм гэсэн. Тэгээд тэр мөнгөө өгч чадахгүй байна гээд л тэр хоёр бас их мууддаг байсан…
Мөрдөн байцаагч:
-За болно оо. Ноён Гарнер та энэ хэргийг үйлдсэн байна! Таныг баривчиллаа…
Хэрвээ үнэхээр нөхөр нь эхнэрийнхээ дүүг алчихсан бол мөрдөн байцаагч урьд оройны болон тэр өглөөний ярианаас яаж мэдэв?

Хариу: Мөрдөгч урьд өдөр нь нөхөрт нь яг ямар дүү, хэн гэдэг хүн алуулсан талаар хэлээгүй байна.

Хайр үгүй амьдрал...

Хүн болж төрсөндөө баярлаж явдаггүй хүн гэж үгүй биз ээ. Тэгвэл хүн болж төрөөд хүнээр хайрлуулж, хүнийг хайрлах гэж амьдардаг байх. Эцэг эхийн элбэрэл хайрыг энэ удаад алгасая. Тэр том агуу хайрыг ярьж бичээд би барахгүй биз. Энэ удаад өчүүхэн би хорвоогийн жам хань ижлийн хайрын талаар бичих гэлээ.
Аав ээжээс дутахааргүй хань байдаг, харин тэр ханийг олж авах, өөрийн болгох, мөн хажуудаа тогтоон барих гэдэг нууцгай нэгэн урлаг юм уу даа. Одоогийн залуус бидний сэтгэл дутаад байна уу, тэвчээр хүрэхгүй байна уу, тэр урлагаас холдож хөндийрсөн мэт. Азтай нэгэнд нь олдоод, үр хүүхэдтэй болоод, өөрийн болгоод авах юм. Гэтэл хажуудаа байлгах тал дээр нэг л санаа тавьдаггүй ч юм уу, эсвэл тэр талаар боддоггүй ч юм уу. Сайхан хань байлаа ч гэлээ, өдөр тутмын аар саар асуудлаар хэл амаа билүүдэж ээрч муурталаа хэрэлдээд, бүр сүүлд нь болохгүй бол зодолдож үзэх юм. Үр хүүхдэд маань хэр үлгэр дууриалал болж байгаа бол? Тэд том болоод бас л үүнийг давтана.
За азгүй нэгэнд нь тэр заяаны хань гээч нь үлгэр домог мэт болоод байна уу даа. Сайхан хань гэж хүмүүс эрэлхийлдэг байсан бол одоо үед таарж тохирж байвал, аж амьдрал сайтай л бол сууна гэж эр эмгүй л хэлцэх юм. Нөгөө хайр сэтгэл, хүндлэл, дурлал, секс хаашаа алга болов? За яахав, тэр секс гээч юмыг нь муугаар бодход бусдаас авлаа гэж бодоход, хайр дурлал, хүндлэлийг өөр хүнээс, эсвэл мөнгөөр авдаггүй. Өөр хүнээс сэтгэл эрж байгаа бол та буруу хүнтэйгээ гэр бүл болжээ гэсэн үг. Сексийн хувьд ч гэсэн дээ, сэтгэлгүй хоосон хийсэн секс хэзээ ч бүрэн таашаал авчирдаггүй гэдэгтэй олон хүмүүс санал нийлэх байх. Ингээд "энэ хорвоод төрсөн минь учиртай" гэж шүлэглэдэг шиг төрсөн гол утга учираа олохгүй байсаар үхэх харамсалтай л юм. Хайрлаж, хайрлуулах гэж ирчихээд хайр амсалгүй хорвоог орхивол ёстой л жинхэнэ аймшиг гээч нь тэр байхдаа.
Тэр нууц урлаг буюу бие биенээ хайрлах урлагт яаж суралцах вэ? Яаж бие биенээ гомдоолгүйгээр хорвоог барах вэ? Хүнийг хайрлана гэж дайрхаасаа өмнө хүнийг хайрлах урлагт суралцах хэрэгтэй юм байна гэдэг бодолд би гэж хүн хүрээд байгаа. Лекц унших хүн байвал пожалуйста шүү :)

Миний мэддэггүй Монгол үгсийн тайлбар...

За тэгээд А-с эхлээд явлаа шүү. Зөндөө их байдаг юм байна. Хэсэгчилбэл:

Аагих - ихэд халууцах (ж: өнөөдөр ихэд аагив).

Аанай - 1. байн байн болох юмыг үл тааламжлан өгүүлэх үг (ж: бас л аанай шуурга шуурав; тэр хүн аанай ирэв; аанай одов). 2. хийх бүтээх, хөдлөх аашлах зэрэгт удаан аажим (ж: аанай хөдөлдөг хүн).
Аариг - жалга суваг, баржин сархиаг үлэмж газар.
Аариглах - I 1. ямар нэгэн битүү бэртэнгэ зэргийн хоног удааширч идээлэх баалах зэргээр хүндэрч эвэрлэх (ж: аариглаж хүрэн няц болчихжээ). 2. хүний бие чилэх, хөших, хөндүүрлэх зэргээр хөдлөхөд зовууртай болох (ж: цээж аариглаж орхижээ). II аариг газраар явах.
Баа - I хулс тэнз; баа ташуур. II торгууль зэмлэл; найраас зөвшөөрөлгүй гарч одсоны баа. III бааш, бач; баатай хүн.

Монгол хэлэнд мэдэхгүй үг их байнаа, би яанаа! Ичмээр юм тийм ээ :)

Миний найз залуу

Манай найз (хүсвэл 88113184 утасруу залгаж тамхины тухай лекц сонсож болно гэсэн шүү хэ хэ хэ) дөнгөж сая манай найз залууг надад дүрсэллээ. "Чиний найз залуу чинь аймар туранхай, жижигхэн, бас царай муутай. Чамайг дандаа санхүүгийн алдагдалд оруулдаг, өвчин тусгадаг, өвчтэй үед чинь хаяж явхаар, өөр хүүхнүүдтэй, бүр эрчүүдтэй хүртэл нас харгалзахгүй ил явалддаг юм байна лээ."

Би ийм л найз залуутай хэрнээ түүндээ үнэхээр үнэнчээр 6-7 жил хамт байсан, тэр ч надаас нүүр буруулсангүй байсаар л, хань болсоор л... Энэ миний найз залуу, миний татдаг тамхи байлаа гэж... хэ хэ хэ

Сонин боловч Үнэн Мэдээ 2

Даллас хотын нэгэн бизнесмен дэндүү завгүй эцэг эхчүүдэд зориулан нэгэн төхөөрөмж зохион бүтээсэн бөгөөд энэ нь тэд нарт автомашиндаа нялх хүүхэд авч явж буй талаар нь байнга сануулж байх үүргэтэй гэнэ. Жил тутам АНУ-д хэт халуунд машиндаа жоохон хүүхдээ мартан, орхиж бууснаас нас барсан тохиолдол хэд хэд гардаг байна. Дохиоллын системээ суурилуулах завтай л бол энэхүү төхөөрөмж нь хүүхдээ орхиж буусан тохиолдолд анхааруулах дохио дууграх юм байна. NBC телевизэд сурвалжлага өгсөн нэгэн ээж хэлэхдээ: “Ээж байхад завгүй, уймрах үе зөндөө, ийм үед энэ төхөөрөмж маш хэрэгтэй юм” гэжээ. [WOAI-TV-NBC, 7-30-08]

Энэ 7 дугаар сарын ёслол дээр Миннеаполис хотын Цагдаагийн дарга Тим Долан өнгөрөгч 12 сард гэмт этгээдүүдийн галт зэвсэг байж болзошгүй гэсэн байрлуу шөнө дунд хийсэн дайралтад оролцсон Тусгай Албаны цагдаа нарыг магтсан байна. Гэвч энэхүү байр нь буруу байр байсан бөгөөд айж балмагдсан оршин суугчид буцаан гал нээсэн байна. “Энэ үед ухрах нь хамгийн энгийн алхам байсан ч манай баг амархан бууж өгөөгүй” гэж Долан хэлжээ. Энэхүү байшин буун суманд сийчүүлсэн ч хэн нэгэн гэмтэж бэртээгүй байна. Хэргийн дараа Цагдагийн дарга уучлалт гуйсан ч, “маш хурдан буруу эргэж болох нөхцөл байдал байсан ч, манай мэргэжилийн хүмүүсийн ачаар ийм юм болсонгүй ” гэж мэдэгдэж байжээ. [WCCO-TV (Миннеаполис), 7-29-08]

Яагаад ч юм манай УБ-д болсон 7-р сарын 1-ний үйл явдалыг өөрийн эрхгүй санагдуулж байна шүү!

Юта мужийн Орем хотын цагдаа нар 21 настай бүлэглэлийн гишүүнийг 3 настай охиноос хулгайлж авсан гурван дугуйт ундаг дугуйгаар зугтааж байхад нь барьжээ. [Салтлэйк Трибюн, 7-1-08]

Үндэсний Пост сонины өнгөрөгч 7 сард мэдээлснээр Канадын Кюбек мужийн Монтреал хотын сэтгэцийн эмгэг судлаач Жоэл Голд мөн Иан Голд нарын баталж буйгаар тэдгээрийн өвчтөнүүдийн дунд өөрийгөө ТВ-ийн реалити шоунд оролцож эсвэл кинонд тоглож байгаа мэтээр итгэх хүртэлээ өвчилсөн хүмүүс хэд хэд байгааг олж тогтоожээ. Капграс төөрөгдөл хэмээх өвчний үед өвчтөн гэр бүлийн хүмүүс, хамаатнуудыг нь адил төстэй жүжигчидээр сольсон хэмээн боддог бол Голдуудын өвчтөнүүд бүх хөдөлгөөнийг нь дэлхий даяр үзүүлж буй гэж итгэж байгаа бөгөөд энэхүү өвчнийг Труман шоу төөрөгдөл хэмээн 1998 онд Жим Керригийн голд дүрд нь тоглосон “Труман шоу” киногоор нэрийджээ. [Үндэсний Пост сонин (Торонто), 7-19-08]

Анхны удаа 4 медал

Монгол Улс анх удаагаа Олимпийн дэвжээнээс 2 алт, 2 мөнгөн медал авлаа! Уухай! Өчигдөр өдөжингөө л "Монгол Монгол" гэж хашгирсан, машинаасаа цээжээ гаргаж орилсон хүмүүсээр УБ-н гудамж дүүрэн байсан. Би ч бас хөөрөөд орилмоор л болж байна билээ. 2.8 сая Монголчуудаас 4 медалтан төрнө гэдэг их хэрэг. Зарим хүмүүсийн дургуйцэл хүрж л байх шиг сонсогдсон. "Өөрсдөө авсан юм шиг ингэж галзуурах гэж" гээд л... Яадгийм бээээ! Өдөр болгон ийм юм тохиохгүй шүү дээ! Ядуурал, үгүйрэл, үнийн хөөрөгдөлд боогдож байгаа, сэтгэл санааны хүнд дарамтанд байгаа хүмүүс яагаад баярлаж болохгүй гэж. Бут авна ааа :)

Сонин хүмүүс 1

Өөртөө хэт их итгэлтэй хүмүүс нэг сонин. Муухай, муу гэсэн үг биш л дээ, гэхдээ миний хувьд хэт их өөртөө итгэх нь синдром мэт санагддагаа нуух юун. Өөртөө итгэлтэй байх хь яах аргагүй чухал, хэрэгцээтэй зан чанар, гэвч аливаа юм хэтрэхлээрээ аймар болдог талтай. Бүх зүйл таалагдах эсвэл үл таалагдах зан чанар сайн уу, муу юу? Хэт их итгэхлээрээ бусдыгаа, эргэн тойрноо харах, мэдрэх чанар нь буурдаг юм шигээ. Мэдрэх хэрэгтэй зүйлсээ мартаад, умартаад эхлэхлээрээ хүнээ байдаг байхаа. Бас нэг ажигласан зүйл нь бол хэт их итгэлтэй хүмүүс хүмүүнлэг байдлаа алдаж, эд хөрөнгө, мөнгө, эд агуурст шунах нь ихэсдэг мэт санагдсан юм. За ингээд өөрөө angel царайлаад хүн муулах гэсэнгүй, жирийн л нэг өөрийн бодол, ажиглалт зэргээс үүдсэн бодлоо бичив. Мөн надад дутагдаад байдаг тэр өөртөө итгэх итгэл нь ихэдсэн хүмүүст бас атаархаж явдагаа нуух юун.

Анхны Алтан Медал буюу 8 сарын 14

2008 оны 8 дугаар сарын 14 Монгол улсын түүхнээ нэгэн том үйл явдал болсноор тэмдэглэгдэн үлдэхнээ. Энэ нь Монгол улсын түүхэнд анх удаа Олимпийн Алтан медал авсан явдал байлаа. Н. Түвшинбаяр Жудо бөхийн 100 кг барилдаанд түрүүлж алтан медал хүзүүндээ зүүжээ. Энэхүү барилдааныг ард түмэн амьсгаа даран үзсэн агаад хожил тодорхой болсон мөчөөс эхлэн уухай хашгиран баярлаж эхэллээ. Хаа сайгүй баярлаж хөөрсөн хүмүүсээр дүүрсэн Улаанбаатар хот өрөө ч инээж хөөрж байна уу гэлтэй өнгөлөг үдшийг өнгөрөөлөө. Сүхбаатарын талбай дээр цугларсан олны дунд баярлаж согтсон төрийн 3-н өндөрлөг байсан нь жигтэй ч гэлээ, нийт ард түмний баяр гэдгийг илтгэсэн гэлтэй. Юутай ч өнөөдөр, маргааш баярлаж, хөөрсөн хүмүүсээр дүүрэн өдрүүд байхнээ.

Нилээд олон компани Олимпийн аврагадаа орон сууц, машин, бэлэг сэлт амласны сацуу, Монгол Улсын Ерөнхийлөгч МУ-ын гавЪяат тамирчин, Хөдөлмөрийн Баатар цолоор шагнажээ.

Хүн бүрийн сэтгэл тэнэгэр, санаа уужим, баяр хөөрөөр бялхсан энэ өдрийн мэндийг дэвшүүлье!

Даваа гариг, 8 сарын 11.

Оройтож унтаад ч тэр үү, эсвэл орой болсон хойно юм идсэндээ ч тэр үү, өглөө босох гэж хамаг тавьсан сэрүүлгүүдээ хангинуулан байж босов. Сүүлийн 1 жил би дор хаяж 2 сэрүүлэг дугарган байж босдог боллоо. Босоод, усандаа орчихоод цагаа харлаа. 8.40 болж байх юм. Сандраад такси дуудлаа. Хүлээнгээ үсээ сэнсдэж хатаагаад. Хам хум юмаа цуглуулаад ажилдаа гарлаа. Энэ бол минийн жирийн л өглөө. Тэгсэн хэрнээ Мондэй болхоор нэг л сэтгэл гэгэлзээд л, шинэ долоо хоног эхэлж байгаа болхоор ч тэр үү, нэг л шинэ, содон, гоё юм болох гэж байгаам шиг санагдаад, найдаад байх юм. Гэтэл энэ эгэл жирийн Даваа гаригийн өглөө, шинэ содон юу ч болохгүй, хэн ч юу ч амлаагүй байдаг.

Шинэ өглөө, шинэ хүн, шинэ газар гээд шинэ юм бүхнээс хүмүүс яагаад ихийг хүсэж, сайхан байна гэж найддаг юм болоо? Шинээр эхлэнэ, шинэ юм хэрэглэнэ, өмсөнө, шинэ хүнтэй танилцана, шинэ ажилд орно гээд тэр болгонд сэтгэл гэгэлзээд, хуучин байснаасаа илүүг мэдрэхийг, авахыг, үзэхийг хүн бүр л эрмэлздэг байх. Би бас мөн адил. Энэ өглөө яагаад ч юм энэ талаар эргэцүүлэн бодлоо.




Гэтэл тэр шинэ юм нь эргээд л нөгөө хуучин нь байдаг биш үү? Мэдээж шал өөр мэдрэмж төрүүлж сэтгэл санааг сайхан болгох нь бий л дээ. Шинэ юм хуучин болох цагт бид яах вэ? Дахиад л шинийг эрэлхийж эхлэнэ. Баасан ахын төрсөн өдөр болоход шинэ байсан 7 хоног хуучирна. Тэрний дараа дахиад л, дахиад л шинэ хоног өдрүүд... Энэ бүхэнд утга учир байгаа ч юм уу, үгүй ч юм уу. Харин цаг хугацаатай уралдаж, шинэ ч бай хуучин ч бай тэр л эргэн тойрны эд зүйлс, үйлдэл, хүмүүсээс сэтгэлийн жаргал авах нь хамгийн гол утга нь юм уу даа энэ амьдралын. Юу дуртай, юу хүсэж байгаагаа авах, хийх нь амьд явахын жаргал уу?

Хөгжилтэй мөч

Зайрмагны үйлдвэр



Марио Раппэр


Намайг яаж ч чадахгүй




Ёо ёо

Урьд шөнийн зүүд

Урьд шөнө би зүүдэллээ. Аймшгийн, хар дарсан биш ч гэлээ муухай зүүд. Дарамттай. Миний амьдралд болж бүтэхгүй байгаа бүхнээ нэг дор зүүдлэх юм. Энэ юуных вэ та минь ээ? Болоод бүтээд байна гэж өөрийгөө хуураад байна уу эсвэл болж бүтэхгүй юмаа бас санаж яв гэж мессеж илгээж байгаа юм болов уу? Бөөн асуулт толгойд эргэлдээд л. Энэ бол зүүд л дээ, гэхдээ яах аргагүй байгаа юмыг л зүүдэлсэн. Ингээд өдөржин дарамттай, муухай ааштай байгаа дээрээ бүүр ч муухай аашилна. Миний эргэн тойрон юу болоод байнаа, яанаа... Би гэж бөөн стресс нэг нөхөр гүйгээд л, ажиллад л, амьдраад л байдаг. Болж бүтэж байгаа нь бас цөөхөн ч юм уу...

Ядаж байхад бас зүүд н хүртэл дарамтлаад уналаа. Авраарай! :)

Наадмын дараа намар...

"Наадмын дараа намар" гэж монголчууд ярьдаг. Үнэн ч юм шиг. Гадаа хэдийн бороо хур орлооч гэлээ өвс ногоо нэг л гандангуй. Ингээд намрын сураг сонсогдоод ирэхлээр нэг л гуниг ч нөмрөх шиг санагдах юм. Удахгуй уйлагнасан бороотой өдрүүд ирнэ. Навчис шарлаж, модод нүцгэрэн хоцрох тэр үед гунигаар дүүрэн байдаг нь ямар учир вэ? Дахиад хавар, зун болохгүй юм шиг л зүрх шимширэхийг нь яана гээч.
Намар цагийг хайраа алдсан, гээсэн хүний зүрх сэтгэлтэй зүйрлэмээр. Уйлаад л, гунихраад л... Дахин хүнд дурлахгүй, хайрлахгүй, хайрлуулахгүй юм шиг.
За ингээд юу юугүй намар болгочихдог хайраа алдчихсан хүүхэн юмаа гэж олон хүн хэлэх л байхдаа. Үгүй шүү. Одоогоор хайраар бялхаад байгаа юмгүй ч гэлээ, хайр дурлал намайг одоохондоо эргүүлээгүй, би ч хайгаагүй байгаа шүү. Зүгээр л миний синдром хөдлөөд гиюүрч суугаа нь энэ.
Цаг хугацаа харвасан сум шиг явж байхад нэг л мэдхэнээ намар болчихсон байх вий хэ хэ. Гэхдээ өнөөдөр гадаа халуун, нар шарсан сайхан өдөр болж байна. Хүмүүсийн толгойд намар гэж бодогдоо ч үгүй байгаа даа. Би л харин цаг хугацааг товчилж намар болгож байна. Сэрүүхэн сайхан ч юм уу? Та бүхний зуны амралт дуусаад ажилдаа орход хэцүү байгаа биз? Дахиад жаахан амрах юмсан гэсэн бодол төрж байна уу? Даан ч зун дууслаа гэж... хэхэ.

Та бүхний сэтгэлийг тань гунигт бодлоор ээрүүлж мөн хүндэтгэсэн МТ :)

Би түүнтэй байхад

Би түүнтэй байхад
Бэтгэрж санасан сэтгэл минь дэвтдэг
Би түүнийг үгүйд
Бачуурж санаашран гиюүрдэг

Би түүнгүйгээр нэг ч алхам хийдэггүй
Тэгсэн хэрнээ би үзэн яддаг
Тэгсэн хэрнээ би хайрладаг
Би түүнтэй байхад жаргалтай бас зовлонтой

Харанхуй шөнө тэр нар болж гийдэг
Нүдийг минь сохортол гэрэлтдэг
Өдөр болхоор сар болж манддаг
Нарны гэрэлд тэр нь жулддаг

Инээж, уйлуулж намайг зовоодог
Илэн таалж, урж тасдаж цочоодог
Гэхдээ би түүнийх
Гэхдээ тэр минийх
Бусад нь надад хамаагүй

Эд нар юу дуулаад байнаа!!

Аяалгуу сайхан Монгол хэлийг ингэж муухай болгох гэж хэ хэ хэ. Энэ ямар дуу дуулаад байгаам бэ? Ёстой сонсож байгаагүй юм байна. Арай өөрсдөө зохиож дуулаад байгаам биш бээз!

Сонин боловч Үнэн Мэдээ 1

Өнгөрсөн 6 сард Аризона мужийн Меса хотын цагдаад эр эм 2 хүн хэрэлдэж, эд зүйл эвдэж байна гэсэн нэгэн дуудлага иржээ. Цагдаа болон сүүлдээ тусгайгийнхан оролцсон энэхүү үйл явдал хэрхэн төгссөн талаар та тааварлаж байна уу? Тэгвэл цагдаа нар гэрт дайран орход 21 настай залуу өөрөө өөртэйгөө хэрүүл хийж, нэг бол эр хүний бүдүүн дуугаар, нэг бол эмэгтэй хүний шингэн хоолойгоор орилж хашгирж байсанд цагдаагийнхан алмайран зогссон гэнэ. Тэр залууд эмнэлгийн тусламж үзүүлжээ.

(Аризона Репаблик сонин, 2008 оны 7 сарын 1)

Европын Холбоо жимс, хүнсий ногоо зархад маш хатуу хяналт тавьдаг байна. Жишээ нь 250 төрлийн алиманд 35 хуудас, өргөст хэмх шулуун, банана муруйсан байх ёстой гэсэн дүрмүүд байдаг байна. 6-р сард Английн худалдаачин Тим Доун 5,000 ш кивиг нь зархыг зөвшөөрөөгүй талаар гомдол мэдүүлжээ. Учир нь түүнд байсан энэхүү кивинүүд нь байх ёстой хэмжээнээс 1 мм, жингээс 7 грамаар дутуу байсан ба эднийг үнэгүй өгөхийг хүртэл хоригложээ, учир нь үнэгүй өгөх нь зах зээлийн үнийг хэлбэлзүүлэх аюултай гэж үзсэн байна. Вашингтон Постын мэдээлж байгаагар Европын Холбооны "стандартууд улам бүр сайжирч" байгаа ба сонгинод зориулсан 10 хуудас дүрэм мөн түүний 19 удаагийн нэмэл өөрчлөлт байдаг бол Нидерландын Вант Улсын Хүнс Хөдөө Аж Ахуйн Яамнаас үүнд дахин 29 хуудас 43 зураг бүхий нэмэлт өөрчлөлтийг өргөн барьжээ.

(Вашингтон Пост сонин 2008-07-08, Дэйли Мэйл сонин (Лондон) 2008-06-27)


Англи Улсын Норфхамтон Дэд Шүүхээс гудамжны эсрэг талд байрлах байшин уруу нэгэн хоригдолыг шилжүүлэхийн тулд хамгийн ойр байх (91.7 км) шоронгоос машин дуудсан байна. Хулгайн хэргээр ял сонссон Марк Байлей-г гудамжинд алхах үед нь хүмүүс үзэн ядах, доромжилох, хийсэн хэргийх нь төлөө ичээх зэрэг "хүний эрхэнд халдсан" үйлдлүүд гархаас сэргийлж ийнхүү машинаар зөөсөн байна.

(Дэйли Телеграф сонин (Лондон) 2008-06-06)

*** МОНГОЛД ИЙМ БАЙДАГ БОЛООСОЙ ТЭ ХЭ ХЭ ХЭ***

Өнөөдөр 7-р сарын 22-ний өдөр

Өнөөдөр халуун бүгчим өдөр байлаа. Ажил гэж оволзож өгсөн. Оффисийн халуун, миний хөлрөхийг, ажлын ихийг яанам бэ гэж шүлгийн мөрүүд толгойд эргэлдэнэ. Цайны өрөөнд орход бүгчим агаад кофений гашуун үнэр хан хийнэ. Сүүлдээ огимоор ч болох шиг. Би чинь уул нь кофечин хүн шүү дээ. Цайны өрөөний хаалган дээр аяга кофений зураг хэдэн сарын өмнө наасан. Тэрнээс өмнө хүмүүс төөрөөд байсан гэсэн. Хэ хэ. Одоо төөрөхгүй байгаа. 8 давхрын цонхоор амьдрал сайхан харагданаа гэж дуу байдаг билүү кэкэ. Байшинд 4 тал байдаг бол 3н тал н нуль цонх энэ том заал халах нь ч аргагүй юм уу даа. За ингээд ажил ч тарлаа, өвлийн хүйтэн сэрүүнийг мөрөөдөж зуслангийн зүг оволзсон олон машины дунд гэлдрэж бензинээ үрьэ дээ кэкэ.

Монгол нэртэй ...

Mongolian Plover (Charadrius mongolus)















Mongolian Gerbil

Гар утасны хөгжлийн түүх ийм ажгуу

Сонирхолтой л юм...

Зээлийн Түүх буюу Кредит

Кредит буюу зээлийн түүх хөгжингүй орнуудад хүн бүрт нээгдээд нилээд олон арван жилийг ардаа орхисон бол энэ санааг Монгол улсад хэрэгжүүлэх гэсээр 6-7 жил болж байна. Уг санаа нь явсаар л, аажим аажимаар жинхэнэ утгаараа хүнд хүртэхүйц хэмжээнд очих гэж гэлдэрж л явна. "Банкууд мэдээлэл солилцох гэрээ байгууллаа" гэсэн мэдээ Оллоо дээр тавигдсанийг хараад өөрийн эрхгүй сонирхож үзлээ.

ХААН, Монгол шуудан, Хас банкны удирдлагууд Монгол банктай хамтран ажиллах, зээлдэгчийн мэдээлэл солилцох гэрээ байгууллаа. Арилжааны банкууд одоо орон нутагт салбар нэгжээ байгуулж, зээлийн vйлчилгээ vзvvлж эхэлснээр иргэд банк, санхvvгийн vйлчилгээг хvртэх нь нэмэгдэж, єрх болон бизнесийн vйл ажиллагааг санхvvжvvлэх, олон банкны єрсєлдєєний vр дvнд зээлийн хvv буурах зэрэг олон сайн тал ажиглагдаж байгаа ч зээлийн зvй бус давхардал ихээр үүсэх болжээ. Єнгєрсєн нэг жилийн хугацаанд Монголбанкны мэргэжилтнvvдийн хийсэн шалгалтаар арилжааны банкууд зээлийн эрсдэлд орох нь ємнєх жилvvдээс ихэссэн тул ийм гэрээ хийхэд хvрсэн байна. Уг гэрээнд банкуудын єрсєлдєєнийг зєв урсгалаар явуулах зорилгоор зээлийн зvй бус давхардлыг арилгах, зээлдэгчийн талаархи мэдээллийг харилцан солилцох, хамтран ажиллах талаар тусгажээ.
Өнөөдрийн Тойм (Дугаар 143/2430)

Бусад арилжааны банкнууд нь яасан юм бол? Эрсдэл хүлээдэггүй юм уу, эсвэл зээл олгодоггүй юм уу? Европ, Америкийн зуу зуун жилийн түүхтэй эдийн засагт бол энэхүү кредитийн мэдээллийг Төв банк биш тодорхой тусгай зөвшөөрөл бүхий хувийн байгууллага хариуцаж хийдэг. Учир нь энэхүү зээлийн мэдээлэлд хүний нууцад хамаарагдах бүхий л мэдээлэл багтдаг болхоор тэр. Төр хүний хувийн нууцад хамаагүй нэвтрэх эрхгүй байтал, манай Монгол Банк зээлийн түүхийг нь цуглуулаад л сууж байх юм. Бас одоо арилжааны банкнуудтай хуваалцана гэж байна. Тэгхээр таныг юу хийдэг, хаана амьдардаг, ямар хувцас өмсөж, юу иддэг гэхээс эхлүүлээд, гурван үеийн намтар, хэнтэй сууж, хэнтэй сүүлэрснийг чинь хүртэл хэн дуртай нь мэддэг болохнээ. Ганц аврал нь та банкнаас зээл авж байгаагүй бол мэдээлэл тань хадаглагдагүй байж болох талтай. Хэрэв энэ кредит түүхийн мэдээлэл замраагүй, удирдлаггүй, хамгаалалтгүй байх аваас та бидэнд хүнээс юм нууна гэдэг ойлголт үгүй болохнээ. Бүх зүйлийг хэн нэгэнд хэдэн бор төгрөг өгөөд л мэдчихнэ.

Та санхүүгийнхаа мэдээллийг хүн бүрт тараагаад яваад байх уу?

Манай орц 1

Манайх олон орон сууцны адил орцондоо жижүүртэй. 10-аад жилийн туршид нилээд хэдэн жижүүрийн нүүр үзсэн орц. Одоо байдаг жижүүр маань 40 орчим насны эмэгтэй. Хоёр хүүхэдтэй. Том нь 12-13 орчим насны банди, бага нь 5-6 настай охин. Охины нэрийг Хулан гэдэг. Тэр маш ажилсаг, ээждээ өглөө болгон орц цэвэрлэхэд тусладаг, гадаа цас орохлээр шүүрдчихсэн зогсож байдаг. Өглөө бүр ажилдаа явахдаа би түүнтэй дайралддаг. Аав нь байдаг үгүйг сайн мэдэхгүй ч байдлаас ажиглахад, байхгүй, эсвэл архичин. Гэвч тийм жаахан байж их хэжгүүхэн, инээгээд, хааяа нэг тоглочихсон гүйж явдаг юм. Харин ээж нь бол надтай л адилхан амьдрал үзэж яваа нэгэн, гэхдээ мэдээж бид 2-ын хооронд маш их ялгаа бий л дээ. Мэдээж тэр хүнд амьдрах орон, ажиллах газар үгүйдээ л орц манаж, цэвэрлэж яваа залуу хүн. Гэхдээ л, заримдаа арай дэндүүлхэд нь миний зүрх шимшхрэх юм. Хааяа жижүүр эгч архи ууна. Тэр хавийн юм уу, эсвэл бойфрэнд нь юм уу хар юм ирж умгархан өрөөнд нь хонуут өнжүүт архидана. Тэр үед тэр бяцхан охин хаана хондог бол гэж бодхоос л... Арай дэндүү. Мэдээж миний амьдрал биш, гэхдээ тэр охины ирээдүй нүдэнд минь харагдаж, биендээ ахадсан зовлонг үүрж яваад нь, үүрүүлж байгаад нь амьдралд цухалдаж, уур хүрэх юм. Арчаагүй, хүүхдээ гэдэггүй ээжийн буруу юу, угаасаа л хатуу байдаг амьдрал уу? Тэр хөөрхөн охины ирээдүйг нь бодвол архиддаг ээжээс нь салгаад сайн хүмүүсээр өсгүүлвэл сайн гэж ахархан толгойд минь орж ирэх юм. Гэтэл ээжтэйгээ байгаадаа хязгааргүй баярлаж байгааг нь харахлээр, салгаж амьдын тамд унагах хэрэг юу билээ ч гэж бодогдох юм. Энэ хорвоо яасан утгагүй, ухаангүй байх юм дээ!

Бие үнэлдэг шигээ толгойгоо үнэлж сураасай

Шалдан нүцгэн зургаа авахуулсан гэнээ гээд чичлүүлээд тоох ч үгүй явж байдаг охидыг хараад гайхах юм. Мэдээж тэгж зургаа авахуулах нь хүний эрх л дээ. Би тэд нарыг хааж боож чадахгүй. Гэхдээ "нүцгэн биеийг алдаршуулах" хэмжээнд хүрээгүй, бие хаа нь төлөвшиж гүйцээгүй лаг гэж бодсон охидыг хараад өрөвднөм. Магадгүй тэдний сэтгэхүй биднийхээс ондоо байж болох. Гэхдээ л Одгэрэл, Болормаа нар шалдан нүцгэн авахуулагүй л байлтай. Бие үнэлж ядахдаа, олны анхааралд өртөх гэсэндээ ингэх нь үнэн инээдтэй юм. Оффис дотор орж ирээд хэнэггүй алхахад нь томоос том нүдээр хүмүүс хараад л, шивэр авир хийлцээд л. Өөрийгөө мэддэг болов уу тэр бүсгүй. Тэр дарга, тэр гадаадтай явалддаг гэж хэлүүлэх ээж аавд нь гоё л байдаг байхдаа. Зөвхөн тэр бүсгүйг гоочилох гэсэнгүй. Одоогийн нийгэмд толгойгоо үнэлхээс илүү бие үнэлэх нь амар санагдсан охидыг нийтэд нь хэлэх гэсэндээ ингэж бичиж сууна. Монгол эрчүүдийн дотуур тамирыг мэдрээгүй юм уу, мэдээгүй яваа юм уу. Нөхөрт гарах үед нь мань мэтийн илүү хошуунуудаар тэнд тэгж явдаг байсан, нүцгэн зурагаа авхуулж байсан гэж хэлүүлэх дуртай байх болов уу тэр нөхөр нь? Миний мэдэх эрчүүд бол дургүйцэнэ, тэр нандин хайр харьцаанд нь сэв суух бус уу? Одооноос наад толгойгоо цэнэглээд, дараа нь сэтгэл дүүрэн толгойгоо үнэлж амьдрахаа бодмоор юм даа.

Өнөөдөр 6 сарын 9, 2008 он

Өнөөдөр 6 сарын 9. Ойрийн үед муу блог-оо хаяж дээ. Ойрдоо зав муутай, дээрээс нь ажлын компьютер маань эвдрэл заагад олон хонов. Миний бичдэг идэвх ч буурчихав уу. Сайн мэдэхгүй юм. Яг юуны тухай бичих вэ хүмүүс ээ? Сонгууль гэж чих дөжрүүлж байгаа юмны талаар бичилтэй биш дээ, тийм ээ кэ кэ кэ.
Зай байз, миний сэтгэлийг зовоож байгаа асуудлууд гэвэл юу билээ... За ер нь нэг Больё оо жагсаалт маягийн юм гарганаа.

1. Монгол Улсын боловсролын систем (дэндүү хоцрогдож бас чанаргүй сургалт явуулж байна) Больё оо

2. Байр, машин, үл хөдлөх хөрөнгийн зээлийн хүү хугацаа арай дэндүү юмаа - Больё оо

3. Сонгуулийн дараа юмны үнэ өсөхлээр яанаа! Больё оо

4. Залуу охидууд мөнгөнд шунахаа Больё оо. Толгойг, эрдэм мэдлэгээ худалдаж амьдраачээ, ичмээр юм.

5. Хууль бусаар байгаа Хятад иргэд Больё оо, хариач ээ балиар гэдэг нь, жоохон охид хүүхдүүд рүү шүлэгнэж хараад, харчуудыг нь дээрэлхээд, Больё оо

Ингээд байхлээр ОВООШ ДЭЭ гэх юмгүй болчих юм. Дэндүү харанхуй ч юм шиг энэ газраас хүмүүс дайжин зугтах нь аргагүй ч юм шиг, гэхдээ залуусаа, та нар гараад явчихвал хэн энэ эх орныг чинь гэх вэ, хэн хамгаалж өмгөөлөх вэ?