Tuesday, December 14, 2010

Aнхны тикет буюу торгуулсан нь

Tuesday, December 14, 2010
За та бүхэн бүгд сонссон, харсан биз дээ, тэр шинэ камераар хянаж замын хөдөлгөөний зөрчил илрүүлж байгаа талаар. Зарим нь ч уже амтыг нь амссан байх тээ хэ хэ хэ. Би ч гэсэн хэд хоногийн өмнө амслаа шүү дээ. Энхтайвны өргөн чөлөөнөөс Чингис ЗБ уруу эргэдэг уулзвар дээр гэрлэн дохио зөрчсөн гэсэн гэмд буруутгагддаг байгаа хэ хэ. Шар байхад нь амжина гээд гарчихсан чинь цагдаа дүү зогсоодийм даа. Ингээд анхныхаа тикет буюу торгуулийн хуудсаа авч үздийм байжээ.
Би уул нь энэ системийг тун зөв юм болсон гэж үзэж байгаа. Үүнийг нэвтэрснээс хойш жолооч нар цагдаа байсан байгаагүй дүрэмээ сайн баримталдаг болсон байх гэж бодох юм. Гэхдээ нэг зүйл хэлхэд, хэзээ ногоон нь шар болж асдаг нь мэдэгдэхгүй гэрлэн дохио байхад над шиг жолооч бол сандарч тэвдээд нөгөө цагаан зураасыг нь өнгөрөөд зогсчих юм. Уул нь барууны хөгжилтэй орнуудад энэ хяналтын системийг нэлээд эрт нэвтрүүлсэн, гэхдээ гэрлэн дохиогоо ч гэсэн хэн хэндээ ойлгомжтойгоор зохицуулсан байдаг. Жишээ нь ногоон гэрэл шар болхоосоо өмнө 1-2 удаа анивчдаг. Энэ нь "за шар боллоо шүү, чи амжихгүй шүү, зогссон нь дээр" гэж жолооч нарт анхааруулж өгдөг. Монгол улсад гэрлэн дохиогоо ийм байдлаар зохицуулахад болохгүй юм үгүй байлтай. Хөөрхий хэдэн яарсан тэвдсэн жолооч нараасаа байнга мөнгө саах гээгүй л юм бол гэрлэн дохиогоо жоохон ухаантай болгож өгөөч зам зохицуулагч нараа.

Wednesday, December 8, 2010

12 сарын 8

Wednesday, December 8, 2010
За ингээд 12 сар гарчихлээр чинь нөгөө шинэ жил гэдэг настр нь ороод л, тун гоё доо. Би шинэ жилд бүхнээс илүү дуртай. Болдогсон бол бүтэн жил 365 хоног шинэ жил болдог болоосой хэ хэ хэ. Би жоохон байхдаа ёлкоо хураах дургүй 2 сар хүртэл байлгах гээд л тоосонд даруулаад байдаг сонин хүүхэд байж дээ. Биднийг жоохон байхад засдаг байсан ёлк одоо бодоход яасан ч царай муутай байсийн, бас тоглоом саа гээд их л ядуухан байж. Тэгсэн хэрнээ юунаас ч илүү аз жаргалыг мэдрүүлдэг байж билээ. Одоо ч тэгээд ₮500,000-1 сая хүртэл үнэтэй гацуур байх л юм. Гэхдээ хэзээ ч миний багадаа засдаг байсан хуучин гацуурыг минь гүйцэхгүй юмаа.

Нэг жил ингээд л өнгөрчих юм. Гоц гойд юм хийж бүтээх гээл байж байтал хэ хэ хэ. Тэгээд л яагаад ч юм шинэ он гарахлээр бүх юм шинэ болох юм шиг, бүх юм сайхан болчих юм шиг санагдаад л...

Жил бүрийн энэ л үед Би Чамд Хайртай гараад л тээ... Бид нар наснаасаа илүү үзчээд л дахин дахин үзэж дахин Үрлээгийн төлөө эмзэглээл, уйлах гээл хэ хэ. Харин энэ жил БЧХ-2 гарч нерв барах байхдаа :)

Friday, November 26, 2010

Өвөл иржээ

Friday, November 26, 2010
Яг одоо гадаа ямар гоё байна гээч. Шинэхэн цас орчихсон, агаар гэж ванлий. Манай Хан Уулд бүр ч гоё байна. Ирээд амьсгалаад үз дээ. Амралтын өдөр болхоор гадуур машин ч цөөхөн, тун гоё байна. Харин би нэг идэвхи гаргаж ажил дээрээ ирж орчуулгаа хийж байна. Өөрийгөө овоо доо гээд нэг магтчий :)
Урьд орой бол аймар байсан. Манай хотод агаарын бохирдол ёстой гамшиг ба түүнээс дээш түвшин байдаг бол тийм л хэмжээнд хүрчээ. Утаа үнэртэх байтугай амьсгалхад тун бэрх л байдаг болж. Ялангуяа 100 айл, Тасганы Овооны тэр хавиар бол жинхэнэ гамшиг. Тэнд гэтэл хүмүүс амьдраад, үр хүүхэд гаргаад байж л байдаг.
Ингээд өвөл болхоор нөгөөх л утаа, түгжрэл гэсэн проблемтой хотдоо амьдрах сайхан гэхэд хаашаа ч юм, гэхдээ муухай байлаа гээд хаачих ч билээ. Ийм сайхан цас орсон өдөр ийм л хар бодол орж ирэх юм байна шүү дээ. Сайхан цэвэр агаар амьсгалж муу уушгаа нэг баярлуулья даа гэж...

Thursday, November 25, 2010

Tsaazaar awah yaliig boliulah n zow u?

Thursday, November 25, 2010
Eronhiilogch tsaazaar awah yaliig tsutslah talaar nileed ih shuugian tarij humuus ch ih heleltsej bn. Odoogiin niigemd onts notstoi hertsgiigeer uildegdsen gemt herguud udor ireh tusam nemegdej baihad shiitgeliig n hungolno gedeg sanaa minii huvid ogthon ch saihan sanagdahgui baigaa. Neg talaas harhad helmegdej hereg tulgagdsan hun tsaaziin yal awaad munkh busiig uzuulj bga, hunii amid yawah erhiig notstoi zorchij bga geh met shaltgaanuudiig durdan tsaazaar awah yaliig boliulah n zow baij boloh. Getel 5-6 nastai ohiniig huchirhiilj mochilj alsan, hogond hayasan, 9 huniig, neg ger buliig, tuunii dotor 4-5 huuhed bsniig huis temtersen aimshgiin kinond l gardag gemeer herguud eelj daraalan garj baihad tiim heregtnuudiig yaj hun gj uzeh ve? Araatan amitan ch gesn zugaagaa gargaj amid amitan aldaggui. Zowhon amid bhiin tuld hoolloh, amia hamgaalah zorilgoor l busad amitand halddag. Getel hedhen haltar tsaas, mungo, arhi uuj agsamsandaa buhel buten amid huniig alj toglodog umiig araatan gej helhed ch goyodood baih um. Iim nuhtsol baidald hunii erh ene ter gej yarih unen utgagui um shigee. Ter sanaachlaad bga Elbegdorjoos neg yum asuumaar bdiim "Tanii oir dotnii ger buliin huniig zerlegeer hunoowol ta aluurchniig n urshooj tsaazaar awah yalaas heltruulj chadah u?" gej. Ene asuudal
Mongol ulsiig olon ulsiin tawtsand saihan haragduulj bolnoo. Gehdee tusgal n hen deer yaj tusaj bn gedgee l bodoh heregtei bh. Galuug duuraij heree hoshuugaa huldoono gedeg biluu dee, tiim um bolohvii dee.


- Posted using BlogPress from my iPhone

Saturday, November 20, 2010

Korean gunzaa

Saturday, November 20, 2010
Lee Hwa Jung restaurant.g Ulaanbaatardaa l hamgiin gaigui Solongos hooltoi gedeg yum bilee. Deer neg lunch.r orson. Hoolnii huvid dajgui l sanagdsan. Harin ochigdor oorigoo erhluulii geed oroin zoog barihaar orloo. Mash ih huntei. Duuren Solongoschuud. Uilchilgee gj harin aimshgiin bailaa. Bidend uilchilj bga ohin haltar, deerees n aashtai gj jigteihen. Bi ternees hool guij idej bgam shig ayagladag bn shu. Mongolchuud hezee uilchilgeenii gazar ajillaj, ajilluulj surah um boldoo. Tiim tom dajgui gesn statustai restaurant tiim ch uilchilegchtei baih gj. Estoi ichmeer bailaa.


- Posted using BlogPress from my iPhone

Friday, November 19, 2010

Iphone-oos blog bichnee gej

Friday, November 19, 2010
Erseer bj arai gj neg program olloo shd. Computer-iin ard zawtai suudag tsag baihgui bolson chin muu blogoo orhigduuldag bna shd. Odoo harin utasnaasaa bichij boldog bolloo. Kirill.eer bichih geheer boon budilaan bolood udah gd baihleer n latinaar galiglahaar bolow. Uuroo uurtoo amjilt husye! ;)


- Posted using BlogPress from my iPhone

Location:Ulaanbaatar,Mongolia

Thursday, October 21, 2010

Ур чадваргүй мэргэжилтнүүд буюу ажилгүйчүүд

Thursday, October 21, 2010
Минии өнөөдөр хэлэх гэсэн зүйлийг улиг болтол нь зөндөө л ярьдаг, дуулдаг, одоо бол хараадаг болж байх шиг байна. Нөгөө л ажилгүйчүүдийн эгнээ нэмэгдсээр гэдэг үлгэр тууль болох шахсан тулгамдсан асуудал.

Жил бүрийн хавраар ажилгүйчүүдинхээ эгнээг зуу зуун мянгаар нэмэгдүүлдэг манайх шиг улс орон байдаггүй байхаа. Бүгд л их мундаг их сургууль төгссөн, мэргэжил эзэмшсэн гэх улсууд оюутны ширээнээс ховхорч гараал, ар өврийн хаалга, ор хөнжлийн ажлаар ч хамаагүй нэг гайгүй цалинтай биед амар ажилд орчих гээд зүтгэчих юм. Өрөвдмөөр ч юм шиг, огиудас хүрмээр ч юм шиг.

Халтар хултар их сургууль төгссөнийгөө их юм гээд бодчихноо, ялангуяа хөдөөний оюутанууд. Тэгээд л нээг их юм сурсан хүн болж анкет бөглөөд, яг яриад ажиллуулаад үзэхээр компьютер ч асааж чадахгүй нөхдүүд олон бий. Тийм болхоор ажилгүйчүүдийн тоо нэмэгдэлгүй яахав дээ. Тэгээл манайхан л болсон хойно, улс орны боловсролын бодлого буруу, сургуулийн чанар муу гэсэн олон шалтаг хэлж өөрөөсөө бурууг холдуулдаг гэм биш зантай болчихсон. Үнэн хэрэгтээ, гадуур шоудаж байхаар ойр зуурын компьютер, програм хэрэглээ, хэл зэргийг бие даагаад сурч л байх хэрэгтэй шүү дээ үнэхээр тэр өндөр цалинтай, биед амар ажил хийхийг хүсэж байгаа бол. Би яагаад хөдөөнийх гэж бас онцолж дурдсан бэ гэхлээр тэд нар хотынхноос арай л ондоо байдагт учир оршино. Тэд албан тушаал, эд мөнгөний шуналаараа хотын сэхээтэн гаралтнуудыгаа бодвол хамаагүй хол хаясан байдаг. Та үнэхээр ажиглаад үзээрэй. Танай байгууллагын гайгүйхэн албан тушаалтан хөдөөнийх л байгаа. Мэдээж хөдөөнийх гэхээр л бүгд муу шунталтай гэж хэлж болохгүй. Гэхдээ миний ажигласнаар ер нь тийм хандлагыг тэд нар л гаргадаг болхоор би тэгж хэлж байгаа юм. Надаа олон хөдөөнөөс ирсэн найз нөхөд бий, тэдэн дотор аль аль нь бий. Хотынхондоо хэлхэд бид дэндүү залхүү, мангар байх юмаа. Өрсөлдөх чадвар бол ер нь "0" болчихсон байна шүү дээ. Хөдөөнийхөн ажлыг гололгүй хийж дээшээ ахиж байх хооронд бид голоод л, харин амьдрал бахь байдгаараа л... Тэгхээр хотынхон бид нарын ч гэсэн буруу.

Миний бодлоор хөдөө ч бай хот ч бай, залуучууд маань ажлыг гололгүй хийж сураасай гэж хүсдэг юм. "Ажил хүнийг голохоос биш хүн ажлыг голдоггүй" гэж Монголчууд ярьдаг даа. Үнэн л үг. Ямар ч ажил хийсэн тэрнээсээ байнга л суралцаж байдаг. Цэвэрлэгч хийлээ гээд юмаа сайн цэвэрлэж, юмны эв олж сурна уу л гэхээс биш цэвэрлэгч хийлээ гээд амьдрал дордоно гэж байхгүй л болов уу. Монгол улсад харьцангүй хийсэн хөдөлмөрийг нь үнэлдэг систем хувийн секторт тогтсон. Харин тэр системээс гадуур байгаа компанийг та олж ороод байгаа бол энэ таны л буруу.

Та бүхэн өдөр тутмын сонин болгонд Ажилд Авна гэсэн зарыг харж л байгаа. Яагаад өчнөөн зар тавигдаад байгаа, харин ажилгүйчүүд нэмэгдээд байгаа юм бэ? Бодох л асуудал. Хэнээс бурууг хайх вэ? Мэдээж үүнд үндсээр нь боловсролын системийг өөрчлөх, сургалтын системийг сайжруулах гээд хийгдэх ёстой асуудал зөндөө, гэхдээ хамгийн эхлээд сургууль төгсөж байгаа оюутан та нар өөрсдөөсөө эхлэх хэрэгтэй болов уу гэж бодох юм. Эзэн хичээвэл заяа юу гэдэг билээ...

Monday, October 11, 2010

Татар ажиллагаа гэнээ

Monday, October 11, 2010
Зиак, Татар (үүнийг яагаад Татаар гэж уншаад байгааг ойлгохгүй л байгаам даа) Ажиллагаа гэдэг киноны нээлт нь өчигдөр Тэнгис кино театрт нь болж байх юм гэнэ. Урилгыг нь гадаа нь зарж байна. Сонирхолоо, үнэ нь 10,000 төгрөг. За ингээд мань мэт нь бол дэмий юм байна гээд зүгээр л киног нь үзчий гээд 4,000₮ билет аваад үзлээ л дээ. Сүүлийн үед их л сенсаац дэгдээгээд, гоё болсон болов уу гэсэн найдлагаар энэ киног сонголоо л доо. Бас тэр Одгэрэл хүчиндүүлээд байдаг гэхээр нь харнаа гэж бодоол, ха ха ха. Үнэндээ эрчүүд бол тэрийг нь их сонирхож үзсэн байх аа, хэ хэ.
Урьд нь бол Би чамд хайртай 2-г нь үзээд Херо-гийнханд сэтгэл дундуур байсан бол энэ удаа дээрдээ байлгүйдээ гэж бас битүүхэндээ горьдсоноо дурдаяа.
За тэгсэн үзлээ. Нүдээ анилгүй үзлээ. Ер нь нэг тийм, Жаки Чан саяхан ирээд явсныг ч хэлэх үү, дээхэн үеийн Хонг Конг кино яагаад ч юм санагдаад явчлаа. Нэг тийм акшион мөртөө инээдмийн жанр хийх гэж оролджээ хөөрхий. Санаа нь сайхан боловч сачий нь хүрсэнгүй дээ ч гэмээр юм уу. Тэгээд хэлчихвэл Баатар намаиг барьж аваад зодчихдог юм бол уу. Шал дэмий кино болсон байна лээ та минь ээ. Яахав, хийх юмгүй, мөнгө нь илүүдсэн хүмүүс бол очиж үзээрэй гэж зөвлөх байна.
Одгэрэл хэлээ хазаж тультираад л, ёстой инээдтэй. Харин Баатарын авгай яаж зүгээр байхав, өвчтэй охины ээж болоод бас гараад л авч байна лээ. Гол дүрд тоголсон дажгүй ганц 2 жүжигчнийг л өрөвдөж байлаа, ийм мяа кинонд тоглох гэж дэ гээл. Монгол хүний зан араншин, төлөв байдлаас гажсан, естой Европ маягийн гаж бодол санаа, үйлдэл хийдэг гол дүрүүдтэй ёстой сонин кино л гэж хэлмээр байна. За тэр киног муулах ч яахав, тэр хавиар байсан Монголчуудаа муулий л даа.
Кино үзээд гараад ирсэн, арын хаалгаараа шууд гадагш гаргах гэдэг байгаа. Яаж байгаам гэсэн, "киноны нээлт болоод тусгай хүлээн авалт болж байна, Ерөнхийлөгч ирсэн учраас тусгай хамгаалалттай, заавал гар" гэдэг байгаа. Өө, чадку, бие засмаар байна, би мөнгөө төлж кино үзсэн, танай тэр Ерөнхийлөгч миний бие засахад ямар хамаатайн, жорлон хүртэлээ хамгаалалтаа гаргаач, тэнэгтээд байгаарай гээл аймар уур хүрээл, хэрэлдээл, овоо удаан хэрэлдэж байж нэг давсагаа аварлаашд. Ёстой сүртэй бөгөөд тэнэг хүмүүс байх юмаа. Хэдэн одонцор нь ирээ л биз, тэд нарыг харах байсан бол тэр хүлээн авалтынх нь урилгыг аваал орно ш дээ. Од гэж хэдэн бие үнэлэгч мэт хувцасласан хэдэн охиноос өөр харан хүн байхгүй л байсан даг. Ямар бүдүүн Баатарыг харж баясах биш кэ кэ.
За тэр юу ч бишээ, үнэхээр Элбэгээ тэр нээлт дээр явж байсан бол ёстой онигоо гэж хэлье! Болиоч ээ! Элбэгээ, чамд хийх ажил байхгүй байгаам уу, мань нь чамд хийх ажил зааж өгье тэх үү. Чи залуусыг дэмжиж болноо, гэхдээ чамд соёл урлаг хариуцсан аташе ч юм уу нэг хүн байгаа ш дээ, тэрийгээ л явуулахад болно ш дээ. Естой Элбэгээг дэмжиж сонгуулид нэрийг чинь дугуйлж байсандаа гутаржийнаа. Арай ч дээ. Удахгүй баар диско хэсэх юм байна дөө. Бүхэл бүтэн Монгол улсын ерөнхийлөгч байж хийх ёстой ажилаа л хийж баймаар юм аа! Холливуудын од ирж кино-гоо нээсэн ч гэсэн чи тэнд явах ёсгүй ш дээ. Өөрийгөө битий шалдаа буулгаж доромжилол доо...
За ингээд л бөөн нерв гэртээ ирсэн юм даа. Монгол оо гэж...

Sunday, September 19, 2010

Бас бодох л асуудал

Sunday, September 19, 2010
Би болон миний найзууд дунд ганц бие буюу сингл хүмүүс олон байдаг. Бидний насанд гэрлэж, гэр бүл босгох үүрэг, хариуцлага, хүсэл эрмэлзэл тулгарч ирдэг. Гэтэл үнэн хэрэгтээ бид хэнтэй, хаана, яаж ханилан амьдрах вэ гэдэг асуудал дээр толгойгоо гашилгадаг. Амьдрал, гэр бүлийн талаар олон ном зохиол байдаг ч үнэн мөнийг хэлж өгөх нэвтэрхий толь сурах бичиг байдаггүй нь харамсалтай. Гуч гарсан хүмүүсийн хувьд жоохон хүүхэд шиг хөөрч дурлалдаа умбаж гэрлэх талаар бодох нь цөөрч, дан ганц хайр дурлалаар амьдрал босгодоггүй гэдгийг ухаарч, арай л практик талдаа боддог болсон байдаг. Энэ залуу миний насны хань мөн үү, хүүхдүүдийн минь эцэг болж чадах болов уу гэх мэт түм буман асуултад шумбаж явдаг. Иймдээ ч бид аль болох олон зүйлс уншиж, эргэцүүлэн боддог. Би ч мөн адил. Хэдэн өдрийн өмнө нэгэн нийтлэлийг олж уншсанаа та бүхэнтэй хуваалцах гэсэн юм. Ameno.ru сайтын Личная Жизнь хэсэгт нийтлэгдсэн нэгэн нийтлэлийг орчуулан тавилаа. Магадгүй бид бүхний мэддэг зүйл байх талтай ч дахин нэг уншаад үзэхэд та бүхэнд нэгийг бодогдуулах биз. Бүсгүйчүүдэд зориулсан нь харамсалтай боловч эрчүүд маань ч гэсэн санаа авахад буруудах юун.

ТАНЫ ГЭРЛЭЛТ АЗГҮЙТЭХ 7 ШИНЖ ТЭМДЭГ


1. Хэрвээ та өөрийн сонгосон залуугаа гэрлэлтийн дараа өөрчлөгдөнө гэж бодож байгаа бол таны гэрлэлт удахгүйн тэмдэг. Энэ бол ихэнх хүмүүсийн гаргадаг алдаа. "Боломж, бололцоотой" хэмээн хэн нэгэнтэй гэрлэж, хожим тэд тэр боломж, бололцоогоо ашиглахгүй, гаргаж чадахгүй тохиолдолд та сэтгэл хангалуун бус байна. Хэрвээ та энэ хүнтэйгээ одоо ч бүрэн дүүрэн сэтгэл хангалуун бус байгаа бол хэзээ ч сэтгэл хангалуун байхгүй. Иймд гэрлэх талаар бодоод ч хэрэггүй.

2. Та тухайн хүнийхээ зан аашинд бус бие биендээ татагдах мэдрэмжид тулгуурлаж байгаа бол таны гэрлэлт азгүйдэх магадлал өндөр байдаг. Мэдээж бие биендээ татагдах тэр мэдрэмж нь харилцаанд гал халуун, дурласан мэдрэмж уур амьсгалыг авчирдаг. Гэвч халуун дурлал нь аяндаа унтрах үед та сонгосон хүн тань тантай таарахгүй ааш зантай, жишээ нь харамч, үглээ, ууртай, г.м, болохыг олж мэдэн түүний аашийг тэвчихгүй гэдгийг ухаардаг. Ийм түүний ааш занд гэрлэхээсээ өмнө олж мэдэх, ойлгох, мэдрэх шаардлагатай.

3. Хэрэв таны хайртай хүн танд юу хамгаас илүү хэрэгтэй байгааг мэдрэхгүй бол гэрлэлт бас л азгүйдэх замдаа ордог. Эрэгтэй эмэгтэй хүмүүс харилцан адилгүй сэтгэлийн хэрэгцээтэй байдаг. Ихэнхдээ бид бие биенийхээ хэрэгцээг мэддэггүй. Жишээ нь эмэгтэй хүнд нөхрийнхөө хувьд хорвоо ертөнц дээр хамгийн сайхан, чухал, зайлшгүй бөгөөд ганцхан эмэгтэй нь байхыг хүсдэг бол эрэгтэйчүүд эхнэр нь түүнд итгэдэг, хүндэлдэг, хэрэгцээтэй байна гэдгээ мэдрэх дуртай байдаг. Хэрвээ та хоёр бие биендээ хангалттай анхаарал тавьж чаддаггүй бол аль аль нь муу хань болно гэсэн үг.

4. Хэрвээ та хоёр амьдралд өөр өөр зорилготой бол гэрлэлтийн талаар бодоод ч хэрэггүй. Амжилттай гэрлэлтэд зан ааш таарч тохирох, хайр дурлалаас гадна амьдралыг үзэх үзэл, аливаа нэг нэгдмэл зорилго, сонирхол байх хэрэгтэй байдаг. Хэрэв тэр талаараа та 2 тэс өөр хүмүүс бол гэрлэлтээ хойшлуулсан дээр болов уу.

5. Орондоо адил хэмжээний таашаал авч чаддаггүй бол та гэрлэх гэж яараад хэрэггүй. Нилээд хэдэн жилийн өмнө бол сексийн чадвар, туршлагагүйгээр гэр бүл болдог байсан. Энэ нь нэг талаасаа сайн ч гэлээ, бие биендээ таашаал өгөх ойлголт дутуу дулимаг, гэрлэсэн хойноо орондоо таарч тохирохгүйгээ мэддэг байсан нь харамсалтай. Харин одоо бол секс хувьсгал гарч гэрлэхээсээ өмнө хэдэн ч удаа хэнтэй ч хамаагүй "тестлэх" боломж бүрдсэн. Иймд сексийн талаар таарамжгүй байх нь гэрлэлтээ цуцлуулах гол шалтгаануудын нэг гэдгийг сана.

6. Ханийнхаа хажууд байхдаа амар амгалан, сэтгэлийн тайтгарал амсдаггүй бол таны гэрлэлт амжилтгүй болох магадлал тун өндөр. Та гэрлэсэн хүнтэйгээ насанд туршдаа хамт амьдарна гэж нэгэн гэр бүл үүсгэдэг учраас энэхүү мэдрэмж танд одоо төрөхгүй бол дахиад нэг сайн бодоод үз дээ. Хайртай хүнийхээ хажууд байхад чөлөөтэй тайван, аз жаргал, амар амгалан мэдрэгддэг байх ёстой. Хэрэв та түүнээс болон түүнтэй холбоотой аливаа нэг юмнаас айж эмээж байгаа бол гэр бүлийн аз жаргалыг амсахгүй л болов уу.

7. Хэрэв та гэрлэлтээр өөрт тань байдаг аливаа нэг асуудлыг шийдэх эсвэл ганцаардлаас зугтаж гэрлэж байгаа бол энэ хамгийн буруу шийдвэр. Хэрвээ та одоо өөрийгөө азгүй, ганцаардмал гэж мэдэрч байгаа бол гэрлэлтийн дараа ч энэ мэдрэмж алга болохгүй. Хурим хийх нь аливаа нэг асуудлыг шийдэх шийдэл, өвчин анагаах эм биз гэдгийг санаарай. Харин ч эсрэгээр гэрлэлт асуудал, толгойн өвчин нэмж бий болгодог.

http://www.ameno.ru/private_life/sexandlove/71345.html

Tuesday, September 7, 2010

Ёооооё ингэж нэг

Tuesday, September 7, 2010
Ингэж нэг блогоо санах гэж. Гэнэт блог бичдэгээ саналаа ш дээ сая. Зунжингаа л зуслан дээр цөлөгдөөстэй байлаа. Ажлаас гараад ертөнцөөс тасардийм байна. Ингээд хараад, бодоод байхад, ажил хийж байх үедээ би чинь ямар их завтай байсан юм бэ! Өглөө очоод заавал дэлхий ертөнцөөс тасрахгүй гэсэндээ сонин гарчиглана, гадаад дотоод мэдээ уншина. Найз нөхөд ажлийнхантай мэнд мэднэ, сонин хачин хов жив сонсоно. Тэгээд жоохон ажлаа хийж байтал өдрийн цайны цаг болно. Тэгээд 14.00 хойш бас дэлхий ертөнц яаж өөрчлөгдөж вэ гээл бас бус юм үзнэ харна, хүнтэй чатлана. Ер нь хэзээдээ ажлаа амжуулдаг байсан юм болоо? Бүүр гайхаад барахгүй юм. Хийх ёстой ажлаа бол цаг хугацаанд нь хийгээд болоод л байдаг байсан даа. Бас болоогүй ээ блогоо бичдэг завтай л байсан юмдаа.
Ер нь оффисын "суугаа" ажлыг бол бид нар үнэхээр цалгардуулдаг юм байна дөө, үнэн биз дээ? Та нар үнэнээ хүлээн зөвшөөрөл дөө. Харин нэг дор суудаг ажилгүй болсон чинь л гэв гэнэт нэг л их завгүй хүн болчих юм. Хүмүүс тэрнийг нь ойлгохгүй, "чи муу ямар их зантай болцийн хөөш, ажилгүйм байж" гээл. Би ч уул нь тогтвортой суудаг оффисгүй л болхоос биш бас үнэн худал ажил хийгээд л гүйгээд байдаг тэгсэн "гадуур машинаа уначаал дэмий тэнээд байдаг л юм байна лээ" гэж цоллуулаад байгаа. Нээрээ л хүн харахад нэг л сайхан машин унаад л гадуур яваад байдаг гэж харагдаж байгаа байх л даа. Гэхдээ тэгж явах чинь бас хэцүү, наад зах нь амь нас эрүүл мэндэд халгаатайшд. Түгжрээн дунд эр зориг гарган дайрч орж урдуураа машин оруулахгүй гэж тоормоз даран машинаа байн байн оцогнуулах ч хэцүү л дээ. За тэгээд тэр их утаа тоос тортог, уур омог нервийг бодохлоор оффисдоо суугаал, цонхоор харж хүн шоолж суух нь сайхан ч юм шиг.
Нээрээ миний бичлэг дүрэм журамаа алдаж эхлэж байгаа биз? Би чинь урьд нь лаг засаал, перфект Монголоор бичих гээл үздэг байсан, сүүлийн үед энэ Гаамп гэж нөхрийн блогийг энд тэндээс олж уншаад, тэр бичлэгийн хэлбэрт нь амтшаад, сурдийм уу гэж бодоод байгаашдээ. Та нар нээрээ тэр нөхрийн блогийг нэг олоод уншаад үзээрэй. Содон л юм билээ. За надаар нэг иймэрхүү. Харин та бүхнээр?

Thursday, July 1, 2010

Талархал (Далдын хүчинд талархах нь) - 4

Thursday, July 1, 2010
Гэр бүлийн байдалдаа талархах
Талархсанаар бүхэл дэлхий таныг хайрлах гэр бүл мэт санагдана.

Хүмүүст гэр бүл гэдэг нь өөр өөр ойлголтууд байдаг. Хүн бүрд ойрын, дотнын гэр бүл гэж байдаг. Энэ нь таны ээж аав, ах дүүс, эхнэр/нөхөр, үр хүүхэд гэх мэт гэр бүлийн бүтцэд чинь ордог бүхий л хүмүүсийг хэлнэ. Таны гэр бүл гэдэг ойлголтод таны тэжээвэр амьтан, эсвэл хол байдаг зөвхөн цахим захидлаар харьдаг найз тань ч орж болох юм. Ойр орчмын, амьдардаг орчны хүмүүсээ, хөршүүдээ ч гэсэн та өөрийн өргөн дэлгэр гэр бүлийн хүрээ ч гэж авч үздэг байж болох юм.

Та ганцаараа байж болно, гэсэн хэдий ч та аливаа нэг хүн, бүлэглэл, төлөөлөлд хамрагдаж, тэдэнтэй харьцдаг шүү дээ. Энэ холбоо харьцаанууд нь маш хувийн дотнын, эсвэл жирийн ажил хэргийн, танил төдий ч байх боломжтой. Эцсийн эцэст, танд ямар нэг хамаарал, гэр бүл заавал байдаг. Дотнын гэр бүлийнхэн, ажлын хамт олон, нэг хотынхон. эсвэл нэг улсын иргэд гэх мэтээр гэр бүлийн хүрээг нарийн эсвэл өргөн байлгаж, тодорхойлж болно.

Хийх үйлдэл, үе шатууд:
Та заримдаа таны амьдралыг бүрэн бүтэн, баяр баясгалантай болгож байгаа бусдын оролцоо, үүргийг мартаж байж болох юм. Иймд та өдөр бүр цаг гаргаж таны хайртай, гэр бүлийн хүмүүс, найз нөхөд, хүндэлж явдаг хүмүүсээ бодож байх хэрэгтэй. Тэдний энэ хорвоо дээр байгаа нь (хэрвээ энэ хорвоог орхисон бол байсан нь) таны сэтгэлээ хангалуун, сайхан амьдрал цогцлуулахад хэрхэн нөлөөлж, тусалж байгааг (байсныг), танд энэ нь ямар утга учиртайг эргэн санах нь чухал юм. Бусдыг хайрлан, хүндэтгэх бодол санаан агуулах, талархлын хүчээр та зүрхээ нээж өөрийн амьдралаа улам баялаг болгоход ихээхэн үүрэгтэй гэдгийг санах хэрэгтэй.

Баталгаажуулах
:
Намайг тойрон хүрээлж намайг хайрлаж байгаа хүмүүс болон миний хайртай хүмүүс, гэр бүл минь байгаад би талархаж байна.

Wednesday, June 30, 2010

Талархал (Далдын хүчинд талархах нь) - 3

Wednesday, June 30, 2010
Өөрийн ажил мэргэжлийн байдалдаа талархах
Талархал нь таны ажлыг амралт болгож хувиргах увидастай.

Орой бүр тухтай дулаан орондоо орохдоо та тухайн өдөр үр бүтээлтэй, чухал ажил амжуулсан гэж бодох ямар урамтай байдаг билээ дээ. Үр бүтээмжтэй байх мэдрэмж нь хамгийн ихээр сэтгэл сэргээдэг мэдрэмжүүдийн нэг байдаг гэдэгтэй та санал нийлэх биз ээ. Энэ нь таныг сайхан унтаж амрах, илааршиж тайвшрахад тусалдаг.

Одоо байгаа ажил мэргэжилдээ сэтгэл хангалуун, талархалтай байна гэдэг нь 9-өөс 18 хүртэлх ажилладаг ажилдаа үргэлж байх ёстой гэсэг үг биш юм. Гэрийн эзэгтэй, оюутан, тамирчин, эсвэл амрагч байсан ч өдөр тутам ямар нэг хэлбэрээр бүтээмж өндөртэй байснаа мэдрэх нь чухал юм. Жишээ нь та загасчлах дуртай бол олон загас барьсан, бизнес эрхлэгч бол хэд хэдэн хэлцэл амжилттай дуусгасан, гэрийн эзэгтэй бол гэр бүлийнхэндээ сайхан оройн зоог бэлтгэсэн өдрөө маш бүтээмж өндөртэй санагдах нь дамжиггүй. Эцсийн бүлэгт та өөрийнхөө бүтээмжийн хэлбэрт сэтгэл хангалуун байж, талархах нь таны амьдралыг бүрэн болгож байдаг. Талархалгүйгээр тодорхой хэмжээний сэтгэл ханамж таны өдөр тутмын амьдралаас дутагдах болно. Бүтээмж нь танд зорилго, ололт амжилт, сэтгэл ханамжийг бий болгож байдаг.

Хийх үйлдэл, үе шатууд:
Бүтээмжээ өндөр байлгах үүднээс өглөө бүр та өөртөө ажил мэргэжлийн холбоотой хамгийн чухал гэсэн долоон ажлаа төлөвлөж байх. Бусад ач холбогдол багатай ажил үүрэг гарахаас өмнө эдгээрийгээ хийж гүйцэтгэх. Эдгээр үйлдлийн үе шатуудыг та хийж гүйцэтгэснээрээ долоо хоног бүрийн өдрийг үр бүтээлттэйгээр, хийж бүтээсэндээ талархалтай хандаж өнгөрүүлэхээс гадна таны амьдрал нийтдээ дээшилж дэвжихийг та ажиглах болно.

Баталгаажуулах:
Үр бүтээлтэйгээ мэдэрч бусдад туслах чадамжтай байгаадаа би талархаж байна.

Tuesday, June 8, 2010

Талархал (Далдын хүчинд талархах нь) - 2

Tuesday, June 8, 2010
Та бүхэнд бага ч болов хэрэг болох болов уу гээд Др. Жон Демартинийн энэхүү номын тодорхой хэсгийг орчуулан тавьж байна. (Үргэлжлэл)

Оюун Санааны Байдалдаа Талархах
Талархсанаар та өөрийн зүрх сэтгэлээ хайр дурлалд нээж өгнө.

Хэрвээ та өөрийгөө, бусдыг, бас энэхүү гайхамшигт туршлага болох амьдралыг хайрлая гэж хүсвэл талархаж сурах нь хамгийн гол алхам юм.
Талархал нь таны мөрөөдлийн амьдралыг амьдрахад тань тусалдаг. Та оюун санааны ба сүсэг бишрэлийн талаар уламжлалт эсвэл нийтлэг ойлголт, итгэл үнэмшлээс үл хамааран таныг дүүргэж, эргэн тойронд тань байх далдын энергийн хүчинд (зарим нь сүнс гэх, зарим нь бурхан ч гэх, бусад нь амьдралын хүч гэх мэтээр ойлгодог) талархаж болох юм.
Таныг өдөр тутмын амьдралдаа оруулж ирэх ёстой дотоод амин хүчтэй тань холбож өгдөг талархлын хүчийг, түүний гүн гүнзгий агуулгыг нь та хэзээ ч дутуу үнэлэх ёсгүй.

Хийх үйлдэл, үе шатууд:

Өдөр тутам та өөрийн дотоод оюун санааны хүчтэйгээ холбогдох багахан цаг гаргаж байх хэрэгтэй. Дотоод сэтгэлдээ та өөрийн зүрх сэтгэлээ нээж чадах нь танд ямар их урам зориг, өөдрөг сэтгэл өгч болох талаар та төсөөлөх ч үгүй байх. Талархал нь таны зүрх сэтгэлийг нээх гол түлхүүр болдог. Энэ нь таны хайр сэтгэл болон урам зоригийг улам хөгжүүлж, өдөөж байдаг.

Талархал ямар ч хэлбэрээр илэрч болдог. Жишээ нь та талархлын мөргөл хийх, хоол идэхийн өмнө талархал хэлэх, хүслээ шивнэн бичсэн жагсаалт гаргах, сэтгэл сэргээсэн хөгжим сонсох, эсвэл чимээгүй газар сууж бодож эргэцүүлэн, бясалгах аль нь ч бай өдөр тутам талархалд багахан цаг зарцуулах нь таны бие, сэтгэл, оюунд тэжээл, дэмжлэг болж байдаг.

Баталгаажуулах:
Амьдралыг хайрлах хүчиндээ би үргэлж талархаж байдаг.


Оюун ухаантай байгаадаа талархах
Талархсанаар таны оюун ухаан олж, нээх ёстой гайхамшигтай газар гэдгийг та мэдрэх болно.

Өөрийн гэсэн оюун ухаантай байна гэдэг ямар сайхан хэрэг вэ! Таны оюун ухаан бусдад тайлагдашгүй оньсого мэт байх тэр л таны нууцхан дотоод ертөнцийг бий болгож байдаг. Таны оюун ухаан таны найз эсвэл дайсан болох нь таны мэдрэмж, ухамсраа хир зөв залж чадаж байгаагаас, эсвэл залуургүй ухамсар таныг хэрхэн залж байгаагаас л хамаардаг. Таны оюун ухаан яг л цэцэрлэг шиг байдаг. Оюун ухааныхаа цэцэрлэгт та цэцэг л тарихгүй бол үргэлж зэрлэг зулгаах болно.

Оюун ухааны хүчийг мөнхийн мэт бодох нь тэнэг хэрэг юм. Та мэдээллийг 5 мэдрэхүйгээрээ дотогш татаж, мэдээллийг гадагш өөрийн бодол, санаагаараа цацаж байдаг. Таны оюун ухаан ойлголт ухагдахуун, хүч чадал, айдас ба хүсэл мөрөөдлийг танд хэлмэрчлэн тайлбарлаж, шүүж, ойлгуулж байдаг. Оюун ухааныхаа төрөл бүрийн баялаг чадварт талархаж байх нь түүнийг өсөж тэлэхэд тус дөхөм болж байдаг.

Хийх үйлдэл, үе шатууд:
Өдөр бүр нэг шинэ юм сурч бай. Танд урам зориг, шинэ санаа өгөх, өөрөө өөртөө туслах ном, зохиолыг ойр байлгаж бай.

Баталгаажуулах:
Өөрөө бие даан бодож, бусдад туслах боломжийг олгож байдаг оюун ухаандаа би талархаж явдаг.

Сэтгэлийн дуудлага

Зиак, удаан блогоо шинэчлээгүйдээ хүлцэл өчье. Надаар ойрдоо сонин сайхан юу байна вэ? Хоёр сарын өмнө ажлаа сольсон. Энэ үйлдэл миний хувьд маш том алхам болсон. Хэдий олон хүн маш эрсдэлтэй алхам хийж байгааг минь гайхаж байсан ч гэлээ, ёстой л нөгөө сэтгэлийн дуудлагаар гэдэг шиг нэг л өдөр цалин өндөр, сайхан ажлаасаа гарчихсан даа хэ хэ хэ.
Хүний компанид ажиллах нэг хэрэг, харин өөрийн бизнесийг босгож өөрийн гэсэн юмтай болох нь өөр юм. Миний энэ мөрөөдөлдөө хүрэх эхний алхам ийнхүү эхэлсэн юм даа. Маш ихийг мөрөөдөж, том ч сэтгэх санаатайдаа л энэ. Мэдээж хүний мөрөөдөл, хүсэл, шунал хязгааргүй гэдэг. Гэхдээ хүнд боловсорч гүйцэх хүртэл мөрөөдлөө биелүүлэхээ хүлээнэ гэвэл цаг хугацаа дэндүү давчуу санагддаг юм. Би хэзээ "за би бэлэн боллоо, одоо л сурч дууслаа даа" гэх цаг ирэх бол гэж хүлээснээс, нас залуу цус шингэн байгаа дээрээ сууриа тавьж эхлэх хэрэгтэй юм болов уу гэж бодсон.
За ингээд эргэж харалгүй урагшаа хараад алхаад байдаг хэрэг дээ. Мэдээж энэ болгонд маань гэрийнхэн, ойр дотнынхон, найз нөхдийн маань сэтгэлийн дэм маш чухал. Тэд нар маань намайг болно бүтнэ, урагшаа гэж хөглөж, урам хайрлаж байгаад нь баярлаж явдгаа энэ далимд нэг хэлье.
Миний мөрөөдөл хэдий бусадтай харьцуулахад агуу том биш ч гэлээ миний сонирхол, сэтгэлд нийцсэн өөрийн гэсэн бизнесийг босгох явдал. Үүнд хүрэхэд тийм амаргүй гэдгийг ойлгож байгаа ч, надад хөдөлмөрлөх залуу нас, эрч хүч, тусалж дэмжих хүмүүс, зорилго, мөрөөдөл байгаа болохоор тун удахгүй энэ мөрөөдлөө биелүүлнэ гэдэгтээ итгэлтэй байна. Харин тэр хүртэл УРАГШАА!

Wednesday, March 24, 2010

Талархал (Далдын хүчинд талархах нь) -1

Wednesday, March 24, 2010
Та бүхэнд бага ч болов хэрэг болох болов уу гээд Др. Жон Демартинийн энэхүү номын тодорхой хэсгийг орчуулан тавьж байна.

Өөрийн амьдралд хайр, сэтгэл хангалуун байдлыг мэдрэх гол түлхүүр

Др. Жон Демартини
“Аз жаргалтай” амьдрахад юу хэрэгтэй вэ? Зуун өөр хүмүүсээс асуухад танд зуун өөр өөр хариулт хэлнэ. Зарим нь аз жаргал нь сэтгэл хангалуун харилцан холбоо (гэр бүл) гэх бол зарим нь их мөнгө хожих нь аз жаргалтай амьдруулна гэж итгэдэг.

Гэхдээ би танд “аз жаргалтай” амьдралын мөрөөдөл нь өнөөгийн сэтгэл зүйн болон нийгмийн маш том төөрөгдөл гэж хэлбэл та юу гэх вэ? Их мөнгө хожих, эсвэл сэтгэл хангалуун харилцан холбоо нь таныг үргэлжийн мөнхөд сэтгэл хангалуун байлгахгүй, харин ч зарим үед эсрэг урвал үзүүлэх магадлалтай байдаг. Энэ нь танд томоохон цохилт болж магадгүй ээ!

Илбийн хүчээр та хэзээ нэгэн цагт аз жаргалтай амьдарна гэж итгэл найдвар тавьж байгаа бол “Зовлон Зочид Буудалд” өөрийгөө бүх л насаараа буусан гэж ойлгож болно. Аз жаргалтай амьдрал гэдэг бол зүгээр л уран зөгнөл юм. Энэ бол үлгэр ба үүнээс үүдэж сэтгэлийн дарамт, амиа хорлох, харуусал, мухардал, бухимдал, гомдол, ба гутрал гэх мэт нийгэм дэх гол гол сэтгэл зовнил, түгшүүрийн хэлбэрүүд үүссэн байдаг.

Мөнхийн аз жаргал гэдэг нь бидний үнэн мөн чанартай тэмцэлдэж байдаг. Амьдралын гол утга учир нь зөвхөн аз жаргалын хойноос хөөцөлдөх бус хайрлах, аз жаргал ба гуниг, эсрэг тэсрэг байдал, түшиг тулгуур ба чадал сорьсон олон янзын туршлага шалгуурыг багтаасан амьдралын дардан бүс замуудтай тулгарч түүндээ талархаж явах явдал юм.

Амьдралын урт удаан замд аялахдаа та байгалиас заяасан уруудаж өгсөх амьдралын мөчлөгүүдийг туулдаг. Гэхдээ үүний гол нууц нь өгсөх үедээ хэт өндөр нисэхгүй, уруудах үедээ хэт доош оролгүй үлдэхэд л байдаг. Харин таны гол зорилго нь амьдрал танд оноож байгаа бүхий л туршлагыг (сайхан ч бай, гунигтай ч бай) үнэлж эдгээрийн угийн байх тэнцвэржилтээс сурч улам хөгжих юм.

Хэдий мөнхийн аз жаргалтай амьдралд хүрэхгүй ч гэлээ амьдралын бүхий л хэсэгт та юу ч тохиолдсон сэтгэл хангалуун, гүн талархалтай хандаж сурах боломжтой. Амьдралын долоон орон зайд “талархах хандлага”-г бий болгож, төгөлдөржүүлэх аргыг би та бүхэнд толилуулж байна.

(Үргэлжлэл бий)

Tuesday, March 9, 2010

Долгион ах аа больё

Tuesday, March 9, 2010
Universe Best Songs 2010 нэрийн дор явагдаж буй 2 дахь удаагийн тэмцээний шалгаруулалтын 1-р хэсгийг өчигдөр цэнхэр дэлгэцээрээ харж суулаа.
Уул нь залуучуудыг дэмжсэн, авьяасыг нь илрүүлэх ийм тэмцээн тун дутагдаж байсан нь одоо нөхөгдөж байгаад UBS телевизийнхэнд болон зохион байгуулагчдад нь тун талархаж явдгаа юуны түрүүнд илэрхийлэх нь зөв болов уу. Оролцож байгаа хүмүүсийн хувьд харилцан адилгүй нас, хүйс, хэлний мэдлэг, авьяасаараа ялгарч тодрох нь мэдээжийн хэрэг. Үзэхэд хөгжилтэй нэгэн байхад энэ яах гэж энд орж байгаа юм бол доо гэж өрөвдөх нэгэн байх.
Мэдээж оролцогчид олон янз, харин шүүгчид энэ жил "Медремж байхкүү" алдарт хэллэгийн эзэн Рагү, "За яах вэ тэнцлээ" гэж адис хайрлах Долгион ах, "Ерөнхийдөө болж байна өө" гэж дэмжин өхөөрдөм царай гаргах Ариунаа гавьяат гээд хэвээрээ байна.

Харин өчигдрийн дугаарт нэгэн сонин зүйл ажигласнаа энэ тэмдэглэх гэсэн юм. Хоёр хөөрхөн хүүхэд орж байна. Үерхдэг бололтой охин банди 2 хөтлөлцөн орж ирээд эвлэгхэн дуэт хийчихдэг юм байна. Рагү нь алга, Ариунаа эгч "өө хөөрхөн болж байна, таалагдлаа, сайн байна" гэж байна. Харин Долгион ахын хэлсэн үгс үнэхээр намайг цочирдуулав. "Та 2 үерхдэг юм уу," "Есүсийг шүтдэг үү тээ" гэх тэнэг асуултаар нөгөө 2 оролцогчийг булдаг юм даа. Бурхан минь! Долгион ах минь! Танд тэр 2-н үерхдэг байна уу, үгүй байна уу, шашин шүтлэг нь ямар хамаатай юм бэ! Нөгөө хоёр нь хөөрхий бүлтэлзээд "тийм ээ, бид 2 сүмд явдаг" гэж хариулахад Долгион "аан" гэж муухай мушилзах юм. Есүс шүтдэг болохоор Долгион ахад таалагдахгүй байна гэнэ шүү. Үндсэн хуулийг тэнэг том зөрчсөн Долгион ах аа та тэр 2 хүүхдээс, үзэгчдээс уучлалт гуйгаач! Барууны хууль дүрмээ ягштал биелүүлдэг улсад бол одоо таныг наад наадмын чинь шүүгчийн ажлаас аль хэдийн аваад хаячихсан байгаа даа. Нас, хүйс, шашин шүтлэгээр ялгаварлахгүй ёстой биш үү? Та бол зөвхөн дуулах авьяасыг нь л үнэлэх ёстой юм биш үү? Мянга мянган үзэгчдийн өмнө гарч сурсан та хэлж буй үгээ мэдэж хэлж баймаар юм аа! Долгион ах аа больё!

Thursday, January 28, 2010

Болж байна уу?

Thursday, January 28, 2010
Эмгэн хүн шиг үглэн яншлаа гэж олон хүнд адлуулах болов уу, гэхдээ л хэлэхгүй өнгөрөхөөр зүрх шимширмээр зүйлс их болжээ.
Ардчилал, зах зээлд орлоо гэхлээр эмх замбараагүй, хөлөөрөө толгой хийж, дураараа аашилж болно гэсэн уг биш л байлтай. Ямар ч ном зохиол уншаад ардчилал, эрх чөлөө гэдгийн тодорхойлолтыг уншихад тэгж ойлгогдохгүй юм. Яагаад Монголчууд бид юмыг ингэж буруугаар хүлээн авч, буруу тийш нь мушгидаг байна аа?
Хөлөө олж, амьдралын утга учрыг ойлгосон том хүмүүс нь одоо яая гэх вэ гэхэд, энэ учраа олоогүй жоохон хүүхдүүд нь яаж байгаа юм бол оо?

Ажиглалт 1:
10-н жилийн 5-6-р ангийн хүүхдүүд хээв нэг сургуулийнхаа гадаа тамхи татаад явж байх юм. Тэдэнд хэлэх хүн алга уу? Юу ч болоогүй мэт дэлгүүрт орж тамхи худалдан авч л байдаг, нөгөөдүүл нь зарж л байдаг. Тамхи татахын хор уршиг гээд зөндөө л ярьдаг, бид бүгд мэддэг. Насанд хүрсэн хүмүүс татаж байгаа нь бол 100 хувь тухайн хүний л сонголт. Харин юугаа ч мэдэхгүй хүүхдүүд өөрсдөө татъя гэж бодоогүй л байлгүй, уруу татагдан, бусдын шахалт дарамт (peer pressure)-аар тамхи, архинд орох нь элбэг үзэгдэл болжээ. Ирээдүйн эцэг, эх болох хүмүүс одооноос биеэ хордуулаад эхлэхээр ирээдүй нь хэрхэн байх бол?

Ажиглалт 2:
Саяхан 50-р дэлгүүрт юм аваад зогсож байлаа, тэгсэн худалдагч нар хоорондоо ярьж байна. "Түрүүн наад жирэмсний тестийг чинь 3 жоохон охин, харваас арван жилийн 5-6-р ангийн гэмээр, тийм хүүхдүүд бүр Эгчээ жирэмсний тест хаана байна гэж асууж, хайж байгаад хоёрыг аваад явсан шүү дээ" гэхийг би сонссон юм. Миний нүд лав бүлт үсрэх гэж байсан. Үүнээс би хоёр дүгнэлт хийлээ. а) Бэлгийн харьцаанд орох нь бүүр эрт болжээ одоогийн үеийн хүүхдүүдийнх. б) Бас, ямар нэг хамгаалалтгүй харьцаанд ордог юм байна. Ингэж бодохоор, хэрэв тэр 3 охины нэг нь жирэмсэн болсон бол хүүхдээ гаргах болов уу? Гаргалаа гэхэд тэр охин болон түүний гэр бүлд ирэх дарамт нэмэгдэнэ. Сургуулиа цагтаа дүүргэж чадахгүй, үеийнхнээсээ хоцoрно, ичнэ. Ирээдүйд ажил эрхлэх, боловсрол эзэмшихэд нь тодорхой хэмжээний саад учирна. Гаргахгүй, абортод орлоо гэхэд ийм жаахан, дээрээс нь анхны жирэмслэлтээ таслуулж байгаа нь яавч эрүүл мэндэд нь сайнаар нөлөөлөхгүй дэг ээ.

Ажиглалт 3:
ТВ чат гэдгийг мэддэггүй хүн үгүй биз ээ. Заримдаа нойргүйдэж оройтох үедээ машиндаа тавьчих дажгүй дуу олчих санаатай суваг эргүүлж суухад дан ТВ чат гарна. Зарим гоё дууг нь сонсож, нэрийг нь бичиж авна. Тэрний хажуугаар мэдээж доор, хажууд нь урсах чат-г харна. Сонирхолтой, инээдтэй янз бүрийн зүйлс хүмүүс бичнэ. Гэхдээ бие үнэлэх явдал нь дижитал хэлбэрт шилжин ТВ чат-р дамжин явдаг болсон явдал бөгөөд энэ нь сэтгэл эмзэглүүлдэг. Долоо хоногийн өмнө нэгэн ТВ Jay-Z - Empire State of Mind (feat Alicia Keys) дууг сонсож байлаа. Тун гоё дуу. Доор нь гарч байгаа чат дунд "13-тай boy байна. Яавал яана, залгаарай эгч нараа" гэж бичсэн байсан. Тун удалгүй "17, 18-тай хоёр охин байна. Энэ оройг хөгжилтэй өнгөрөөх боломжтой ах нар мессеж бичээрэй. Нэгж сав." гэсэн байв. Би өөрөө хүүхэдтэй болохоор ийм юм уншиж суухад үнэхээр эвгүй, зүрх шимширмээр байдаг юм билээ. Ийм юм олон гардаг байх, зарим нэг нь зүгээр л тоглож тэгж бичдэг байх, хэдий тийм ч энэ олон зарын дунд үнэхээр ингэж бие үнэлж байгаа олон хүүхдүүд байгаа гэдэгт би эргэлзэхгүй байна.

Монголын ирээдүй хаашаа явна вэ? Бид тэр ирээдүй рүү нь чимээгүй ингээд явуулчхаж болж байгаа юм уу?

Wednesday, January 20, 2010

Нүүрэн дээрх мэнгээр шинжихүй

Wednesday, January 20, 2010
Зиак, нөхөд өө! Нүүрэн дээр чинь мэнгэ байна уу? Тэгвэл тэрүүгээр чинь бас юм хум мэдэж болдог гэжийш дээ :)
Нэт-с олсон юмаа орчуулан та бүхэнтэй хуваалцаж байна шүү, нөхөд өө!
Мэнгэ хаана байрласнаасаа шалтгаалан дараах тайлбартай байдаг юм байна. Зурган дээрээс хараад мэнгэ хаана байрлаж байгааг тоогоор нь олоод доорх тайлбараас харна уу?






1. Эцэг эх, дарга, ахмад хүмүүстэй зохицол муутай. Тэд нартайгаа аль болох хүндэтгэлтэй, зайтай харьцахыг хичээх.
2. 1-тэй ижил. Эцэг эх, дарга, ахмад хүмүүсийг хүндэтгэдэггүй. Тэд нартайгаа аль болох хүндэтгэлтэй, зайнаас харьцахыг хичээх.
3. 1-тэй ижил. Тэд нартайгаа аль болох хүндэтгэлтэй, зайтай харьцахыг хичээх.
4. Төлөвлөж чаддаггүй, тогтворгүй амьдралтай байдаг.
5. (хөмсөгний дээр) – Гэр бүл эсвэл найз нөхдийн авч ирсэн золгүй явдлын улмаас зовох магадлалтай, эсвэл мөнгөн дээр азгүй байдаг.
6. (хөмсөг дээр) – Маш ухаантай, бүтээлч, урлагийн нарийн мэдрэмжтэй. Баялаг, нэр хүнд түүнийг дагадаг ба мөнгөний асуудалд маш азтай.
7. (зовхин дээр) – Гэр бүлтэйгээ байнга зөрчилтэй байдаг ба мөнгө хадгалахдаа тун муу.
8. Санхүүгийн хувьд гачигдалтай байдаг. Хүсээгүй сексийн дайралт (sexual advance)-аас сэргийлэх шаардлагатай.
9. Хүсээгүй сексийн дайралт (sexual advance)-аас болон осол гэмтлээс сэргийлэх шаардлагатай.
10. Хүүхэд болон ач зээтэй болох, хүүхэдтэй байх боломж бага.
11. Удаан хугацааны эсвэл хүнд өвчлөлд өртөх өндөр магадлалтай.
12. Хоол боловсруулалт эсвэл хоол ундтай холбоотой асуудлуудтай тулгарах хандлагатай.
13. Хүүхдүүдийнхээ төлөө үргэлж санаа зовж, хөдөлмөрлөж байдаг, хэдий тийм ч тэд нартайгаа сайхан харьцаатай байж чаддаггүй.
14. Харшил болон хоолны хордлого болох эрсдэл өндөр байдаг.
15. Нэг газраа удаан суурьшихгүй байхыг зөвлөе. Байнга шилжилт хөдөлгөөн хийх эсвэл тогтворгүй орчинд байх хэрэгтэй.
16. Хүсээгүй сексийн дайралт (sexual advance), харшил болон хоолны хордлогоос сэргийлэх.
17. Нэр хүндээ алдахаас сэргийлж өөрийн үг, үйлдэл зэргээ байнга хянах шаардлагатай.
18. Гадаад оронд зорчихдоо өөрийн эрүүл мэнд, сайн сайхны талаар санаа тавьж байх шаардлагатай.
19. Хүсээгүй сексийн дайралт (sexual advance)-аас сэргийлэх шаардлагатай.
20. Амьдрал дэндүү богино учраас амьдралаас бүрэн дүүрэн аз жаргалыг мэдрэхийг хичээх. Гэмт хэрэгт холбогдохоос сэргийлэх.
21. Хөл хэсэгтээ асуудалтай байх магадлал өндөр. Устай холбоотой осол аваараас сэргийлэх.
22. Аялал жуулчлалын үед аваар ослоос сэргийлэх.
23. Алдар цуутай, баян.

Заримыг нь би буруу ойлгоод байгам уу, үнэхээр ийм утгагүй юм бичээд байгаам уу, ёстой доонт ноү шүү. (http://www.chinesefortunecalendar.com/FaceMoleReading.htm)

Thursday, January 14, 2010

Сэрмаа яачих ваа?

Thursday, January 14, 2010
Сонин сэтгүүлээр л дүүрэн гэнэт Сэрчмаа гэж шуугисан чинь нөхөрт гарчээ манай дуучин бүсгүй. Хуримын зургуудыг нь харлаа. Аймар харамсаж байгаам чинь. Хэдэн зургийг нь энд дахин харуулья л даа. Та бүхэн миний юу хэлэх гээд байгааг харж, ойлгох биз.
Та нар энэ зурагнуудыг нь зөндөө л харсан байх. Харин дүн шинжилгээ хийж үзэв үү?

Хуримаа хийж байгаа хос гэхэд бие биерүүгээ хардаггүй, хайр сэтгэл, халамж энэ тэр ерөөсөө үнэртэхгүй юм. Нөхөр нь үнэн таалагдсангүй, хүйтэн царайтай нөхөр. Хайран Монгол хүүхэн...

Гэхдээ хүний амьдрал л юм хойно, болно бүтнэ гэж сууж байгаа байхдаа Сэрчмаа. Өмнөөс нь хүйт даачлаа.
Сэрмаа нөхөрлүүгээ хараал байхын, нөгөөх нь тоож байгаа юм алгаа хэ хэ. Ийм сайхан хүүхэн гуйж биш гуядаж хүнтэй суух байсан юм даа уул нь.


Сайн сайхан хүсэхээс өөр юу ч гэхэв дээ!




Wednesday, January 13, 2010

Зуданд баригдсан бид...

Wednesday, January 13, 2010
Хувь хүний үзэл бодлоо чөлөөтэй илэрхийлэх индэр хэмээж нь энэхүү блогийг ашиглаж, бичдэгтээ баярлаж явна. Хэн нэгэнд бичсэн зүйлээ шүүмжлүүлэхгүй, бодсон зүйлээ тэр чигээр нь бичих боломж олгодогт нь интернет ахдаа баярлаж явдаг шүү :)
За ингээд, энэ хүйтэн өвлийн халуухан сэдэв болоод байгаа зуд, малчид, тусламж, хотынхон, бид гэсэн тодотголтой сэдвээр нэг юм бичмээр санагдлаа, бас яаж дуугүй байгаад байхав, хүн бүрийн хошуу хөдлөөд байхад би бас яаж дутав гэж.


За, хөөрхий хөдөөгөөр хэцүүдэж байна гэнэ ээ, аргагүй аргагүй. Зуншлага муу байсан зарим аймаг сумдын малчид хэцүүдэж байгаа байх. Зундаа найрлаж наадамлаад цалгардуулсан бусдынх нь мал ч бас хэцүүхэн байгаа даг аа. Аль алиныг нь гэж хэрхэн ялгаж загнаж муулах билээ. Гэхдээ л ойрын хэдэн жилийн байгалийн гамшиг, өөрсдийнхөө байж байгааг бодоод үзэхлээр залхуу Монгол хүнд одоо нүүдлийн аж ахуй, мал маллах зохихоо больсон дог оо. Харин тэр фермерийн аж ахуй гээгчийг нь хуулж аваад нэвтрүүлчихвэл нэлээд дажгүй байх юм болов уу гэж бодох юм. Өвөл нь хөлдлөө, зун нь шатлаа гэх нь арай бага, ядаж л малчдад маань суурин байж, хэт их олон толгой мал маллах бус, үр өгөөж ашиг шим ихтэй цөөн тооны мал маллаж амьдрах нь мэдээж амар биз ээ. Энэ талаар хэзээ нэгэн цагт малчин хүнтэй ном хаялцаад аман дундуураа алгадуулахаа мэдэж байгаа тул заавал тийм аж ахуйд шилж гэж хэлж чадахгүй хулчганах нь миний муугийнх ажээ. Нэгэнт л хийж чадахгүй нь ил болсон, бас дээрээс нь байгаль дэлхий нь ингэж байн байн ган, зуд илгээн цээрлүүлж байхад, өөр гарц л хайсан дээр гэж санагдана.

Ингээд, энэ жилдээ яах вэ, угаасаа нүүдэлчин соёлтойгоо хэвээр байгаа юм чинь зудад дээрэлхүүлээд байна. За тэгж байтал, хүмүүс хот хөдөөгөөрөө ялгарч байгаад зодолдох нээ янз нь. Нэг нь хөдөөгийн малчиддаа, монгол малдаа тусламж дэмжлэг гэж гуйж, гувшиж, гуядаж ташуурдах нэг хэсэг. Энэ хэсэгт сонирхолтой нь хөдөө орон нутгаас сонгогдсон УИХ-н гишүүд, за тэгээд малчин ээж аавтай “хөдөө” хотынхон, мөн малчид өөрсдөө орох аж. Нөгөө талд буюу үүний эсрэг хот орон нутагт суурьшмал байдлаар нэлээд олон жил амьдарсан, мал аж ахуйгаас жоохон тасарчихсан гэхдээ мах иддэг хүмүүс нь нэгдэж байгаад тусламж өгөх, өгөхгүйдээ тулаад, гэр орон, албан ажил, ТВ, интернет-р талцан хэрэлдэж эхлэх юм.

Нэг бодлын нутаг нэгт маань зовж байхад туслах нь бидний үүрэг, хүн болж төрсний гол утга учир нинжин сэтгэл байх ёстой. Нөгөө талаас бидний зовж олсон хөдөлмөрийн хөлснөөс татдаг татварыг минь зунжин залхуурч хэвтсэн Дорж малчинд зүгээр л толгойг нь илээд май гээд өвс тэжээл болгоод өгчихдөг нь сонин.

Сонин сэтгүүл, мэдээ уншиж үзлээ. Хандивлаж байгаа нь хөөрхий нөгөө төсвийнхөн л хандивлаж байх юм. Нэг их мөнгө нь илүүдсэндээ, эсвэл бүгд 100 хувь зөвшөөрч 1-3 өдрийнхөө цалинг өгөөд ч байгаа бас биш л байх. Цаанаас нь нөгөө коммунист нийгмийн сэтгэлгээгээр хурааж аваа биз дээ хөөрхий.
Баян байгууллагууд, компаниуд, захирлууд, баячууд, гишүүд, бөхчүүд яасан бэ? Хаана явна вэ? Бодвол ихэнх нь амралтаа аваад ирж буцах шувуу шиг халуун орныг зорьсон байгаа болов уу.

Миний бодол: тодорхой хэмжээнд малчиддаа туслах хэрэгтэй, гэхдээ одоо төвлөрсөн төсвөөсөө биш, томоохон компаниуд, баян тодотголтой хүмүүсээс хураа л даа. Барьцмаар санагдах юм. Тэрбум төг хуваарилуулсан гишүүд яагаад мөнгө өгөхгүй байгаа юм бэ? Тус бүр нь 5-10 сая төгрөг тэр зуд болоод байгаа аймгууддаа өгч болно шүү дээ. Бидний төлдөг татварыг ингэж дур мэдэн үрэн таран хийх сайн юманд хүргэхгүй гэдэгтэй бол 100 хувь санал нэгдэж байгаа бөгөөд дарлагдсан ард түмэн нь нэг л өдөр босдог юм даа гэж...

Tuesday, January 5, 2010

Дэлхий ертөнцийн рекорд эвдсээр

Tuesday, January 5, 2010
Зиак, цаана чинь дэлхийн хамгийн өндөр байшин баригдаж дуусаад нээлтээ хийсэн байна шүү.
Өчигдөр буюу 2010 оны 1 сарын 4-ний өдөр Арабын Нэгдсэн Эмират улсын Дубай хотод Бурж Калифа (урд нь Бурж Дубай хэмээн нэрийдэж байсан) 828 метр өндөр бүхий шинэ барилга нээлтээ хийжээ. Энэхүү тэнгэр баганадсан барилгын дизайныг Чикаго хотын Skidmore, Owings and Merrill LLP компани хийж гүйцэтгэсэн ба энэ өндөрт хүргэхэд нь хамгийн оновчтой өвөрмөц шийдлээр энэхүү байшинг нийт 1.5 тэрбум ам.доллараар 2004 оны 9 сарын 21-ээс барьж эхэлжээ. Энэхүү барилгад орших оффисын талбай м.кв нь $43,000, Армани Резиденс орон сууц м.кв нь $37,500 үнэд хүрчээ.

Манайхныг энд нэг далбаатай хөлөг онгоц барих гэж савж байтал тэнд арабууд өр зээлдээ баригдаад ч болсон чардайж байгаад нэр хүндийг нь гаргах байшингаа бариад авдаг байх нь байна шүү дээ. Манайхаан, хаагуур дэмий тэнээд УИХ гишүүн энэ тэр гээд хөөрцөглөөд яваа юм бэ? Тэр гишүүнтэй гишүүнгүй тэнэг баян болох боломжууд зөндөө байна шүү дээ.






















"Сэтгээчээ сэтгээч" гэж эцэг эх минь загнадаг аргагүй ч юм шиг. Мань мэт нь сэтгэхгүй байхад, хөгшин настай гишүүд, улс төрчид, бизнесмэнүүд нь яаж ч сэтгэхэв дээ кэ кэ кэ.

Monday, January 4, 2010

Нэг нас нэмэв, нэг бодол нэмэв

Monday, January 4, 2010
Хуучин оноо үдэж, шинэ оноо угтаж авлаа. Нэг өдөр шөнийн зөрүүгээр л нэг нас нэмчих юм даа. Үүнтэй чинь зэрэгцээд бодох бодол хүртэл нэмэгдэх юм.

Жил жилээр нэмэгдэх туршлагыг яана,
Өдөр өдрөөр зожигрох намайг яана

Боломж бүрээр гонсойх сэтгэлийг яана
Бүтэн байсан зүрх эмтрэхийг яана
Ухаан суугаад байна уу даа гэтэл үгүй юм

Уур уцаар минь багасав уу даа гэхээр худлаа юм

Омоглон зантай болов уу гэхээр эсрэгээрээ байх юм

Онгироод байна уу гэхээр даруухнаар байх юм
Үүнээс нь сайн гэж дүгнэвэл бас биш юм

Үлгэн салган гэж хүнд адлуулах юм


Дээрдэх биш доошлох ард түмэн минь яана

Ухаарах биш баяжих дарга нарыг яана

Эрүүлжих биш өвчлөх үр хүүхдээ яана
Цэцэглэх бус гундах байгаль дэлхийг яана

Хөгжөөд байна уу даа гэтэл үгүй юм

Хэвэндээ гэж голохоор бас биш юм

Олуулаа болох нь дээ гэж баярлах юм

Ядуу нь нутагтаа төрж баян нь гадаад явах юм

Хойч үеэ бодож байна гэх нь шал худлаа юм

Өнөө маргаашаа аргацааж байгаа нь илт юм
(MT 1.4.2010)

Лайтай их юм бодож байгаа биз хэ хэ хэ.

 
◄Design by Pocket, BlogBulk Blogger TemplatesGorgeous Beaches of Goa;